إعدادات العرض
من نێردراوی خودام بۆ لای تۆ؛ بۆ ئەوەى پێت بڵێم: خواى گەورە تۆی خۆشدەوێت هەروەکو چۆن تۆ ئەوت خۆشدەوێت
من نێردراوی خودام بۆ لای تۆ؛ بۆ ئەوەى پێت بڵێم: خواى گەورە تۆی خۆشدەوێت هەروەکو چۆن تۆ ئەوت خۆشدەوێت
لە ئەبی هورەیرەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت: «پیاوێک سەردانى برایەکی کرد لە گوندێکی تردا، بۆیە خواى گەورە فریشتەیەکی نارد بۆ ئەوەى لەسەر ڕێگاکەى چاوەڕێی بکات، کاتێک گەیشتە لای فریشتەکە، (فریشتەکە) ووتی: بۆ کوێ دەچیت؟ ئەویش ووتی: دەمەوێت سەردانی برایەکەم بکەم لەم گوندە، (فریشتەکە) ووتی: ئایا دەتەوێت پاداشتی بدەیتەوە بەهۆی ئەوەى چاکەیەکی بەرامبەرت کردووە؟ (پیاوەکە) ووتی: نەخێر، تەنها من لە پێناو خواى گەورە خۆشمدەوێت، (فریشتەکە) ووتی: من نێردراوی خودام بۆ لای تۆ؛ بۆ ئەوەى پێت بڵێم: خواى گەورە تۆی خۆشدەوێت هەروەکو چۆن تۆ ئەوت (ئەو برایەت) خۆشدەوێت».
[صەحیحە] [موسلیم گێڕاویەتیەوە]
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Tiếng Việt Hausaالشرح
پێغەمبەر -صلى اللە علیە وسلم- باسی ئەوە دەکات کە پیاوێک لە ئومەتەکانى پێشوو سەردانى برایەکی کرد کە لە گوندێکی تر بوو؛ بۆیە خواى گەورە فریشتەیەکی بۆ نارد لەسەر ڕێگاکەی بۆ ئەوەى بیپارێزێت وچاودێری بکات، وفریشتەکە پرسیاری لێیکرد کە بۆ کوێ دەچێت؟ ( -خودا زاناترە- وا دیارە فریشتەکە خۆی کردووەتە سەر شێوەى مرۆڤ)، پیاوەکە پێی ووت کە ئەو دەچێت بۆ ئەم گوندە بۆ ئەوەى سەردانى برایەکی بکات لە پێناو خواى گەورە، فریشتەکە پرسیاری لێیکرد ئایا ئەو کەسە خزمەتکاری ئەوە، یان منداڵێتی کە دەبێت خەرجی لەسەر بکات وڕەحم وبەزەیی پێدا بێتەوە، یان بەرژەوەندییەکی هەیە لەم سەردانى کردنەدا؟ پیاوەکە ووتی: نەخێر، من تەنها لە پێناو خواى گەورە خۆشم دەوێت ودەمەوێت بەهۆی ئەم سەردانیکردنە خودا لێم ڕازی بێت، وفریشتەکە پێی ووت کە ئەو نێردراوە لە لایەن خواى گەورەوە؛ بۆ ئەوەى پێی بڵێت خواى گەورە تۆی خۆشدەوێت هەروەکو چۆن ئەو برایەت لە پێناو خواى گەورە خۆشدەوێت.