إعدادات العرض
((گهلی خهلكی؛ مسوگهر خودێ یێ پاقژە و ژ تشتێ پاقژ پێڤهتر چ تشتان قەبویل ناکەت و ب ڕاستی خودێ ب وی تشتی فەرمان ل باوەرداران کرییە یێ فەرمان پێ ل پێغەمبەران کری
((گهلی خهلكی؛ مسوگهر خودێ یێ پاقژە و ژ تشتێ پاقژ پێڤهتر چ تشتان قەبویل ناکەت و ب ڕاستی خودێ ب وی تشتی فەرمان ل باوەرداران کرییە یێ فەرمان پێ ل پێغەمبەران کری
ژ ئهبو هورهیرهی (خودێ ژێ ڕازی بیت) گۆت: پێغهمبهرێ خودێ (صهلات و سهلامێن خودێ ل سهر بن) گۆت: ((مسوگهر خودێ یێ پاقژە و ژ تشتێ پاقژ پێڤهتر چ تشتان قەبویل ناکەت و ب ڕاستی خودێ ب وی تشتی فەرمان ل باوەرداران کرییە یێ فەرمان پێ ل پێغەمبەران کری. ڤێجا (خودایێ مهزن) گۆت: {يَا أَيُّهَا الرُّسُلُ كُلُوا مِنْ الطَّيِّبَاتِ وَاعْمَلُوا صَالِحًا}، ئانكو: ((گهلی پێغەمبەران؛ ژ تشتێن پاقژ بخۆن و کارێ باش بکەن))، دیسان (خودایێ مهزن) گۆت: {يَا أَيُّهَا الَّذِينَ آمَنُوا كُلُوا مِنْ طَيِّبَاتِ مَا رَزَقْنَاكُمْ}، ئانكو: ((گهلی ئەوێن ههوه باوەری ئینای؛ ژ تشتێن پاقژ یێن مه كرینه ڕزقێ ههوه بخۆن)). پاشی بەحسێ وى زهلامى کر کو گەشتەکا درێژ دکەت، پرچ و جلکێن وی دبەلاڤه و تۆزهكينە، دەستێن خۆ بۆ ئەسمانی درێژ و بلند دکەت (دوعا ژ خودێ دكهت و ههر دكهته گازی و دبێژیت): یا خودێ! یا خودێ! و خوارنا وی یا حەرامە، ڤەخوارنا وی یا حەرامە، جلکێن وی دحەرامن و ب حەرامییێ یێ مهزن بووی و گوشتێ خۆ ب حهرامی یێ گرتی، ڤێجا ما چاوا دێ بهرسڤا وی هێته دان (و دوعایێن وی هێنه قهبویلكرن)!)).
الترجمة
العربية Español አማርኛ English اردو Indonesia বাংলা Français Türkçe Русский Bosanski සිංහල हिन्दी 中文 فارسی Tiếng Việt Tagalog Kurdî Hausa Português മലയാളം తెలుగు Kiswahili தமிழ் ไทย Deutsch پښتو অসমীয়া Shqip Nederlands ગુજરાતી Кыргызча नेपाली Lietuvių دری Српски тоҷикӣ Kinyarwanda Română Magyar Čeština Moore Malagasy Oromoo ಕನ್ನಡ Wolof Azərbaycan O‘zbek Українська ქართული Македонски ភាសាខ្មែរ ਪੰਜਾਬੀ मराठी Kirundi Bahasa Melayuالشرح
پێغهمبهری (صهلات و سهلامێن خودێ ل سهر بن) دهنگوباس ب وێ چهندێ دا كو خودێ یێ پاقژ و پیرۆز و بلند و دویره ژ كێموكاسی و عهیبان و یێ سالۆخهتكرییه ب ههمی سالۆخهتێن تهمامهتییێ، كا چاوا خودێ چ گۆتن و كریار و باوهرییان ژی قهبویل ناكهت ژ مرۆڤی ئهگهر د پاقژ نهبن، كو ئهوه یا ب تنێ بۆ خودێ دهێته كرن و ل دویڤ ڕێك و ڕێبازا پێغهمبهری (صهلات و سهلامێن خودێ ل سهر بن) بیت و نابیت ب تشتهكێ دی ژ بلی ڤێ مرۆڤ خۆ نێزیكی خودێ بكهت، و ژ مهزنترین تشتێ مرۆڤ كارێن خۆ پێ پاقژ دكهت و كارێن مرۆڤی بهێنه وهرگرتن، ئهڤهیه خوارنا مرۆڤی یا پاقژ بیت و ژ مالهكێ حهلال بیت، مرۆڤ ب ڤێ خوارن و مالێ حهلال كارێ خۆ پاقژ دكهت، ژ بهر هندێ ژی خودێ ب وی تشتی فهرمان ل باوهرداران كر یێ فهرمان پێ ل پێغهمبهران كری، كو ئهو ژی خوارنا حهلال و كارێ باش بوو، ڤێجا گۆت: {يَا أَيُّهَا الرُّسُلُ كُلُوا مِنْ الطَّيِّبَاتِ وَاعْمَلُوا صَالِحًا إِنِّي بِمَا تَعْمَلُونَ عَلِيمٌ}، ئانكو: ((گهلی پێغەمبەران؛ ژ تشتێن پاقژ بخۆن و کارێ باش بکەن، ئهز ب وی تشتێ هوین دكهن یێ زانامه))، دیسان (خودایێ مهزن) گۆت: {يَا أَيُّهَا الَّذِينَ آمَنُوا كُلُوا مِنْ طَيِّبَاتِ مَا رَزَقْنَاكُمْ}، ئانكو: ((گهلی ئەوان یێن باوەری ئینای؛ ژ تشتێن پاقژ یێن مه كرینه ڕزقێ ههوه بخۆن)). پاشی پێغهمبهری (صهلات و سهلامێن خودێ ل سهر بن) هشیاركرن ژ خوارنا حهرام كر كو دبیته ئهگهرێ خراببوون و قهبویلنهبوونا كاری، خۆ ئهگهر مرۆڤی ئهگهرێن قهبویلبوونا ب سهرڤه ژی ل دهڤ خۆ پهیدا كربن، ژ وان ئهگهرێن سهرڤه یێن كار و دوعا پێ دهێنه وهرگرتن: ئێك: درێژكرنا گهشتێ بۆ ئهنجامدانا عیبادهتان وهكی حهجێ و جیهادێ و گههاندنا پهیوهندییێن مرۆڤاینییێ و ژ بلی وان. دوو: قژبوون و بهلاڤبوونا پرچێ ژ بهر شهنهكرنا وێ، و گوهۆڕینا ڕهنگێ وی و ڕهنگێ جلكێ وی ژ بهر ئاخێ و تۆزێ، ئهڤه ژی نیشانا هندێیه ئهو یێ تهنگاڤه. سێ: دهمێ دوعاكرنێ دهستێن خۆ بۆ ئهسمانی بلند دكهت. چار: ب ناڤێن خودێ (یا ڕهب یا ڕهب) ههوارێن خۆ دگههینیته خودێ و (ئیلحاحێ) تێدا دكهت! د گهل ههبوونا ڤان ههمی ئهگهرێن بهرسڤدانا دوعایێ؛ بهلێ بهرسڤا وی نههاته دان، ئهڤه ژی چونكی خوارن و ڤهخوارن و جلكێ وی ههمی ژ حهرامییێ بوون، و ب حهرامییێ یێ مهزن بووی، لهوا ئهو كهسێ ئهڤه سالۆخهتێن وی بن؛ یێ دویره ژ هندێ بهرسڤا وی بهێته دان، و ما چاوا دێ بهرسڤا وی هێته دان!فوائد الحديث
تهمامهتییا خودێ د زات و سالۆخهت و كریار و بڕیارێن خۆدا.
فهرمانكرن ب دلسۆزییا د كاركرنێدا بۆ خودایێ مهزن و دویڤچوونا پێغهمبهری (صهلات و سهلامێن خودێ ل سهر بن).
بكارئینانا وی تشتێ دبیته هاندهر و پالدهر ل كاركرنێ، ئهڤه ژی دهمێ پێغهمبهری (صهلات و سهلامێن خودێ ل سهر بن) گۆتی: ((ڕاستی خودێ ب وی تشتی فەرمان ل باوەرداران کرییە یێ فەرمان پێ ل پێغەمبەران کری))، ڤێجا ئهگهر مرۆڤێ باوهردار زانی كو ئهڤه ژ وان تشتانه یێن خودێ فهرمان پێ ل پێغهمبهران كری؛ وی دهمی دێ هێزهكا زێدهتر دهته وی و دێ بیته پالدهرهك بۆ وی ل سهر كرنێ.
ژ وان تشتێن دبنه ئهگهرێ نەبهرسڤدان و قهبویلنەبوونا دوعایێ؛ خوارنا حهرامه.
ژ ئهگهرێن بهرسڤدانا دوعایێ؛ پێنج تشتن: ئێك: درێژكرنا گهشتێ، ژ بهر كو ڤێ چهندێ وهستیان و شكهستن تێدایه كو ئێكه ژ مهزنترین ئهگهرێن بهرسڤدانێ. دوو: ل دهمێ تهنگاڤییان. سێ: بلندكرنا دهستان بهرهڤ ئهسمانان. چار: پێڤهمان و (ئیلحاحكرن) د دوعایێدا، ئهڤه ژی ب دووبارهكرنا ناڤێ خودێ (ڕهب) كو ئهو ژی ژ مهزنترین خالانه مرۆڤ پێ داخوازا بهرسڤدانا دوعایێ بكهت. پێنج: پاقژی و حهلالبوونا خوارن و ڤهخوارنێ.
خوارنا حهلال و پاقژ ژ ئهگهرێن هاریكاره ل سهر كرنا كارێ باش.
قازی گۆت: پاقژ دژی پیسییە. ڤێجا ئەگەر خودێ ب وێ ئێكێ هاتە سالۆخهتكرن، ئهڤه مهرهم پێ ئەوە کو ئەو ژ کێماسی و پیساتییان یێ دویر و بلنده و ئەگەر عهبد ب ڕههایی ب وێ چهندێ هاتە سالۆخهتكرن؛ ئهڤه مهرهم پێ ئەوە کو ئەو یێ ژ خرابییێن ڕەوشتی و کارێن نەجوان دویرە و ب دژێن وان یێ جوان و خهملاندییه، ههروهسا ئەگەر مال و سامان ب ڤێ چهندێ هاتە سالۆخهتكرن؛ ئهڤه مهرهم پێ ئەوە کو ئهو مال یێ حەلاله و ژ باشترین مال و سامانایه.