إعدادات العرض
لەگەڵ پێغەمبەر بووین -صلى اللە علیە وسلم- لە سەفەرێکدا لە شەوێکی تاریکدا، نەماندەزانى ئاراستەى قیبلە لە کوێیە، بۆیە هەر پیاوێک لە ئێمە بە ئاراستەیەک نوێژی دەکرد،…
لەگەڵ پێغەمبەر بووین -صلى اللە علیە وسلم- لە سەفەرێکدا لە شەوێکی تاریکدا، نەماندەزانى ئاراستەى قیبلە لە کوێیە، بۆیە هەر پیاوێک لە ئێمە بە ئاراستەیەک نوێژی دەکرد، کاتێک بەیانیمان بەسەردا هات، ئەمەمان باسکرد بۆ پێغەمبەر -صلى اللە علیە وسلم-، ئەم ئایەتە دابەزی: {فَأَيْنَمَا تُوَلُّوا۟ فَثَمَّ وَجْهُ ٱللَّهِ}
لە عامری کوڕی ڕەبیعەوە -ڕەزای خوای لێبێت- دەڵێت: لەگەڵ پێغەمبەر بووین -صلى اللە علیە وسلم- لە سەفەرێکدا لە شەوێکی تاریکدا، نەماندەزانى ئاراستەى قیبلە لە کوێیە، بۆیە هەر پیاوێک لە ئێمە بە ئاراستەیەک نوێژی دەکرد، کاتێک بەیانیمان بەسەردا هات، ئەمەمان باسکرد بۆ پێغەمبەر -صلى اللە علیە وسلم-، ئەم ئایەتە دابەزی: {فَأَيْنَمَا تُوَلُّوا۟ فَثَمَّ وَجْهُ ٱللَّهِ} [البقرة: 115] واتە: {ئینجا ڕوو بكەنە هەر لایەك ڕووتان لە خودا کردووە لەو جێگایە ئاگای لێتانە}
[حەسەنە] [ئیبنو ماجه گێڕاویەتیەوە - تورموذی گێڕاویەتیەوە]
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausaالشرح
پێغەمبەر -صلى اللە علیە وسلم- لەگەڵ هاوەڵانی بوو لە سەفەرێکدا لە شەوێکی تاریکدا، وهاوەڵان دڵنیا نەبوون لە ئاراستەى قیبلە، بۆیە بە پێی کۆشش وئیجتیهادی خۆیان نوێژیان کرد، وکاتێک بەیانیان بەسەردا هات بۆیان دەرکەوت بۆ ئاراستەیەکی تر جگە لە ئاراستەی قیبلە نوێژیان کردووە، ئەمەیان باسکرد بۆ پێغەمبەر -صلى اللە علیە وسلم-، خواى گەورە ئەم ئایەتە دابەزاند: {وَلِلَّهِ ٱلْمَشْرِقُ وَٱلْمَغْرِبُ فَأَيْنَمَا تُوَلُّوا۟ فَثَمَّ وَجْهُ ٱللَّهِ إنَّ ٱللَّهَ وَٰسِعٌ عَلِيمٌ} [البقرة: 115] واتە: {ڕۆژهەڵات و ڕۆژئاوا و(هەموو لایەك) هەر خوا خاوەنیەتی ئینجا ڕوو بكەنە هەر لایەك ڕووتان لە خودا کردووە لەو جێگایە ئاگای لێتانە بەڕاستی خوا فراوانگیر وزانایه}.التصنيفات
مەرجەکانی نوێژ