إعدادات العرض
پێغەمبەر -صلى اللە علیە وسلم- منی کرد بە بەرپرسیار لەسەر سەربڕینی وشترەکانى؛ وفەرمانی پێکردم گۆشت وپێست وڕاخەری سەر پشتی وشترەکان وەکو خێر ببەخشم، وهیچ لەوانە بە…
پێغەمبەر -صلى اللە علیە وسلم- منی کرد بە بەرپرسیار لەسەر سەربڕینی وشترەکانى؛ وفەرمانی پێکردم گۆشت وپێست وڕاخەری سەر پشتی وشترەکان وەکو خێر ببەخشم، وهیچ لەوانە بە قەسابەکە نەدەم
لە عەلی کوڕی ئەبی تاڵیبەوە -ڕەزای خوای لێبێت- دەڵێت: «پێغەمبەر -صلى اللە علیە وسلم- منی کرد بە بەرپرسیار لەسەر سەربڕینی وشترەکانى (ئەوانەى کە دەیویست بیانکاتە قوربانی)؛ وفەرمانی پێکردم گۆشت وپێست وڕاخەری سەر پشتی وشترەکان وەکو خێر ببەخشم، وفەرمانى پێکردم هیچ لەوانە بە قەسابەکە نەدەم».
[صەحیحە] [بوخاری و موسلیم هاوڕان لەسەری]
الترجمة
عربي বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausa Portuguêsالشرح
پێغەمبەر -صلى اللە علیە وسلم- لە حەجی ماڵئاواییدا بەرەو مەککە هات وهەندێ ئاژەڵی لەگەڵدا بوو بۆ قوربانیکردن (بۆ هەدی)، وعەلی کوڕی ئەبی تاڵیب -ڕەزای خواى لێبێت- لە یەمەنەوە هات، وئەویش هەندێک قوربانی (هەدی) پێبوو چونکە ئەم قوربانیکردنە مافى هەژارانە بۆیە ئەو کەسەی قوربانی دەکات مافى ئەوەی نییە بەهەر شێوەیەک بێت بەکاریان بهێنێت بۆ نمونە وەکو گۆڕینەوە بەرامبەر شتێک، وپێغەمبەر -صلى اللە علیە وسلم- نەهی کرد کە وەکو کرێی کارەکەى هەندێک لە قوربانیەکە بدرێت بە قەسابەکە، بەڵکو دەبێت کرێى پێبدرێت بە جیا ونابێت هیچ شتێک لە گۆشت یان پێست یان ڕاخەری سەرپشتی قوربانیەکە وەکو کرێ بە قەسابەکە بدرێت.