الشرح

کاتێک دەڵێت: (ئایا هاوەڵانی پێغەمبەر -صلى الله عليه وسلم- تەوقەیان دەکرد؟) واتا: ئایا تەوقەیان دەکرد کاتێک دەگەیشتن بە یەکتری پاش سەلامکردن، وتەوقە کردن دەبێتە هۆی زیاد بوونی خۆشەویستی وڕێزگرتن، وبە دەستی ڕاست دەبێت، ئەگەر تەوقەیان کرد ئەوا لێخۆشبوون هەیە لە تاوانەکانیان پێش ئەوەى لە یەک جیا ببنەوە، وئەمەش بەڵگەیە لە سەر فەزڵی تەوقە کردن لە کاتى گەیشتن بە برای مسوڵمان (یان ئافرەتێک کە گەیشت بە خوشکێکی موسڵمانی، وەکو ڕوونە تەوقەکردن لە نێوان پیاو وئافرەتێکی نامەحرەمی حەرامە وهەڕەشەی لەسەر هاتووە)، تەوقە کردن بۆ کاتی وەستان ودانیشتن وقسە کردنە لەگەڵ بەرامبەر وهاوشێوەی ئەمە، بەڵام ئەگەر بە لای کەسێک تێپەڕی لە بازاڕدا یان هەر شوێنێکی تر ئەوا تەنها سەلامکردن بەسە؛ چونکە ڕێبازى هاوەڵان بەو شێوەیە نەبووە کە بگەن بە هەرکەسێک تەوقەی لەگەڵدا بکەن.