الشرح

මෙම සහාබිවරයා කතා කිරීමෙන්, ආහාර ගැනීමෙන්, පානය කිරීමෙන් වැළකී සිටින බවටත් හෙවණ නොලබා අව්වට වී සිටගෙන සිටින බවටත් භාර වී ඇත. එය තමන් වේදනාවට හා දුෂ්කරතාවට පත් කර ගැනීමකි. මෙසේ භාර කිරීම තහනම්ය. එබැවින් නබි -සල්ලල්ලාහු අලය්හි වසල්ලම්- තුමා එයින් ඔහුව වැළැක්වූහ. නමුත් උපවාසය සම්පූර්ණ කරන මෙන් ඔහුට නියෝග කළහ. හේතුව එය ආගමානුගත කළ නැමදුමකි. කවරෙකු ආගමානුගත කරනු ලැබූ නැමදුමක් භාරයක් වශයෙන් තබන්නේ ද එය සිදු කිරීම අනිවාර්යය වේ. ආගමානුගත නොවූ නැමදුමක් සිදු කරන බවට භාර වන්නේ ද එය සිදු කිරීම ඔහුට අනිවාර්යය නොවේ.