إعدادات العرض
لە پێناو خواى گەورە ترسێندرام لەکاتێکدا کەس نەدەترسێنرا، ولە پێناوى خواى گەورە ئازار درام لەکاتێکدا کەس ئازار نەدەدرا، جارێکیان سی ڕۆژ وشەو هات بەسەرمدا من وبیلال…
لە پێناو خواى گەورە ترسێندرام لەکاتێکدا کەس نەدەترسێنرا، ولە پێناوى خواى گەورە ئازار درام لەکاتێکدا کەس ئازار نەدەدرا، جارێکیان سی ڕۆژ وشەو هات بەسەرمدا من وبیلال هیچ خواردنێکمان نەبوو کە بوونەوەر بیخوات مەگەر شتێک نەبێت داپۆشرا بوو لە ژێر باڵی بیلالدا
لە ئەنەسەوە کە پێغەمبەری خودا -صلى اللە علیە وسلم- دەفەرموێت: «لە پێناو خواى گەورە ترسێندرام لەکاتێکدا کەس نەدەترسێنرا، ولە پێناوى خواى گەورە ئازار درام لەکاتێکدا کەس ئازار نەدەدرا، جارێکیان سی ڕۆژ وشەو هات بەسەرمدا من وبیلال هیچ خواردنێکمان نەبوو کە بوونەوەر بیخوات مەگەر شتێک نەبێت داپۆشرا بوو لە ژێر باڵی بیلالدا».
[صەحیحە] [ئیبنو ماجه گێڕاویەتیەوە - تورموذی گێڕاویەتیەوە - ئەحمەد گێڕاویەتیەوە]
الشرح
پێغەمبەر -صلى اللە علیە وسلم- لەم فەرموودەیەدا باسی ئەوە دەکات کە بە تەنها بوو کاتێک ئەم ئاینەى ئاشکرا کرد وبانگەشەی بۆی کرد -ترسەکەى بەهۆی ئەوە بوو- کافرەکان هەڕەشەیان لێی دەکرد وئازاریان دەدا، وکەسی لەگەڵدا نەبوو لە سەرەتادا کە لەگەڵیدا بێت لە ڕووبەڕووبونەوەى ئەو ئازار وناخۆشییانە مەگەر یارمەتی وپاراستنی خواى گەورە نەبێت، پاشان ڕوونیکردەوە لەگەڵ ئەمانەشدا هیچ پارە وخواردنێکی نەبوو، جارێکیان سی شەو هات بەسەریدا هیچ خواردنێکی لە لا نەبوو کە بوونەوەر بیخوات مەگەر شتێکی کەم نەبێت کە لە لای بیلال بوو -ڕەزاى خواى لێبێت- کە ئەویش لە ژێر باڵیدا دەیشاردەوە، وتەنانەت دەوری یان گۆزەیەکیان نەبوو خواردنەکەى تێدا بشارنەوە، ئەمە لەو کاتە بوو کە پێغەمبەر -صلى اللە علیە وسلم- لە مەککەوە دەرچوو بەرەو مەدینە.