الشرح

អាណាស ពិន ម៉ាលិក رضي الله عنه បានប្រាប់ថា ជាការពិតណាស់ មុនពេលដែលណាពី ﷺ ទទួលមរណភាព លោកបានសរសេរសារទៅកាន់មហាក្សត្រទាំងឡាយដែលនៅជុំវិញដោយអំពាវនាវមហាក្សត្រទាំងនោះទៅកាន់សាសនាឥស្លាម។ លោកបានសរសេរសារទៅកាន់ស្តេចគីសរ៉(ជាគោរម្យងារស្តេចពែក្យ) ទៅកាន់ស្តេចក័យសើរ(ជាគោរម្យងារស្តេចរ៉ូម) និងទៅកាន់ស្តេចណាជើស្ហ៊ី(ជាគោរម្យងារស្តេចអេត្យូពី)។ ម្យ៉ាងទៀត លោកក៏បានសរសេរទៅកាន់រាល់ស្តេចនៃប្រជានុរាស្រ្តទាំងឡាយដែលនៅជុំវិញលោក ហើយអាណាស رضي الله عنه គាត់បានបញ្ជាក់ផងដែរថា ស្តេចណាជើស្ហ៊ីដែលណាពី ﷺ សរសេរសារទៅកាន់នោះ ពុំមែនជាស្តេចណាជើស្ហ៊ីដែលបានចូលឥស្លាម ក្រោយមក បានសុគត ហើយណាពី ﷺ លោកបានសឡាតលើសព(សឡាតហ្គអ៊ិប)ឲ្យនោះទេ។