فوائد الحديث

පිරිසිදු වීමටත් මූත්රා කිරීමෙන් පසු එය තම ශරීරයේ හෝ තම ඇඳුමේ හෝ නොවදින පරිදි ඉන් දුරස් වීමටත් උනන්දු කරවීම.

වඩාත් උතුම් වන්නේ, එය සේදීමට යුහුසුළුවීම හා අපිරිසිදුතාව තමන් සමග නොතිබෙන පරිදි එය තැවරුණු පසු එම ස්ථානය පිරිසිදු කිරීමය. එය ඉවත් කිරීම අනිවාර්යය වනුයේ සලාතය ඉටු කරන අවස්ථාවේය.

සැබවින්ම මූත්රා අපිරිසිදු දෑ වේ. එබැවින් එය ශරීරයේ හෝ ඇඳුමේ හෝ තැනක හෝ තැවරුණු විට එය අපිරිසිදු වේ. ඒ සමගම සලාත් ඉටු කිරීම වලංගු නොවන්නේය. ඊට හේතුව සැබවින්ම අපිරිසිදු දැයින් පිරිසිදු වීම සලාතයේ කොන්දේසි අතරින් එකක් වන බැවිණි.

මූත්රා කිරීමෙන් පසු පිරිසිදු නොකිරීම මහා පාපයන්ගෙන් එකක් වන්නේය.

කබ්ර්හි වේදනාව ගැන සනාථ කිරීම. අල් කුර්ආනයේ සුන්නාහ්වේ හා ඒකමතික විද්වත් නීතිවලද එය ස්ථීර ව ඇත.

මතුලොව ප්රතිවිපාක ගැන සනාථ කිරීම. මතුලොව පළමු අදියරය මිනී වළය. මිනී වළ ස්වර්ග උයන්වලින් එක් උයනක් ලෙස හෝ ගිනි ආගාධයන්ගෙන් ගිනි ආගාධයක් ලෙස හෝ පිහිටියි.