إعدادات العرض
“Allahu i dëshiron tri gjëra nga ju dhe i urren tri tjera
“Allahu i dëshiron tri gjëra nga ju dhe i urren tri tjera
Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë: “Allahu i dëshiron tri gjëra nga ju dhe i urren tri tjera.Dëshiron që ju ta adhuroni e të mos i bëni shok Atij, të kapeni të gjithë për Librin e Allahut dhe të mos përçaheni, kurse urren te ju thashethemet, të pyeturit e shumtë dhe shpërdorimin e pasurisë.”
الترجمة
العربية Tiếng Việt Indonesia Nederlands Kiswahili অসমীয়া English ગુજરાતી සිංහල Magyar ქართული Hausa Română ไทย Português मराठी ភាសាខ្មែរ دری አማርኛ বাংলা Kurdî Македонски Tagalog తెలుగు Українська ਪੰਜਾਬੀ മലയാളം Moore پښتو ಕನ್ನಡ Türkçe Bosanski हिन्दी မြန်မာ فارسی Српскиالشرح
Profeti ﷺ në këtë hadith tregoi se Allahu i dëshiron tri cilësi nga robërit e Tij dhe i urren tri të tjera. Ai i do prej tyre këto: 1. Ta adhurojnë vetëm Atë dhe të mos i shoqërojnë asgjë në adhurim. 2. Të kapen të gjithë së bashku pas Litarit të Allahut, Kuranit dhe Sunetit të Profetit të Tij. 3. Të mos përçahen nga xhemati i muslimanëve, por të jenë të bashkuar dhe të mos ndahen. Ndërsa i urren për ta: 1. Fjalët e kota dhe të folurit e tepërt për çështje që nuk u përkasin. 2. Të pyesin për gjëra që nuk kanë ndodhur, ose t’u kërkojnë njerëzve pasuritë dhe paratë e tyre pa nevojë. 3. Shpërdorimin e pasurisë, shpenzimin e saj në rrugë të tjera përveç përdorimeve të lejuara dhe ekspozimin e saj ndaj humbjes.فوائد الحديث
Allahu i Lartësuar do që adhurimi t'i kushtohet Atij sinqerisht dhe urren t'i bëhet kufër Atij (mosbesim).
Inkurajimi për t'u kapur fort për Litarin e Allahut të Lartësuar, sepse kjo çon në unitet dhe harmoni.
Inkurajimi për xhematin (bashkësinë), urdhërimi për t'iu përmbajtur atij dhe për t’i bashkuar radhët e tij, si dhe ndalimi i së kundërtës së kësaj: përçarjes dhe mosmarrëveshjes.
Ndalimi i të folurit të tepërt për gjëra që nuk i përkasin njeriut, sepse nëse janë të lejuara, në to ka humbje kohe, ndërsa nëse janë të ndaluara, në to ka shtim të mëkateve.
Të shmangësh përhapjen e lajmeve për njerëzit, ndjekjen e gjendjes së tyre dhe tregimin e fjalëve e veprave të tyre.
Ndalimi i kërkimit të tepruar të pasurisë së njerëzve.
Ndalimi i shpenzimit të pasurisë pa dobi dhe nxitja për ta ruajtur atë për gjërat që janë të dobishme.