લકીત બિન્ સબિરહ રઝી અલ્લાહુ અન્હુ રિવાયત કરે છે, તેમણે કહ્યું: હું બનૂ મુન્તફિક જૂથનો સરદાર બની અથવા બનૂ મુન્તફિક સાથે જોડાવી આપ સલ્લલ્લાહુ અલયહિ વસલ્લ્લમ પાસે આવ્યા, જ્યારે અમે આપ સલ્લલ્લાહુ અલયહિ વસલ્લ્લમની પાસે આવ્યા, તો આપ ઘરમાં ન મળ્યા, અમને આયશા રઝી. મળી, તેમણે અમારા માટે ખઝીરા (એક પ્રકારનું ભોજન) તૈયાર કરવાનો આદેશ આપ્યો, તે તૈયાર કરવામાં આવ્યું, અમારા સામે થાળી લાવવામાં આવી, (કુતૈબહ પોતાની રિવાયતમાં "કન્નાઅ" શબ્દનો ઉપયોગ નથી કર્યો, કન્નાઅ તે થાળી અથવા વાસણને કહે છે, જેમાં ખજૂર મુકેલી હોય છે) પછી આપ સલ્લલ્લાહુ અલયહિ વસલ્લ્લમ આવ્યા અને કહ્યું : શું તમે કંઈ ખાધું ? અથવા તમારા માટે કંઈ વસ્તુ તૈયાર કરવામાં આવી છે? અમે જવાબ આપ્યો, હા, હે અલ્લાહના રસૂલ ! સલ્લલ્લાહુ અલયહિ વસલ્લ્લમ ! અમે આપની સાથે બેઠા હતા કે અચાનક એક ભરવાડ પોતાની બકરીઓ બાળ તરફ લઈ ગયો, તેની સાથે એક બકરીનું બચ્ચું હતું, જે અવાજ કરી રહી હતું, આપ સલ્લલ્લાહુ અલયહિ વસલ્લમે કહ્યુ, હે ફલાણા વ્યક્તિ ! શું જન્મ્યું, (નર કે માદા)? તેણે જવાબ આપ્યો કે માદા, આપ સલ્લલ્લાહુ અલયહિ વસલ્લમે કહ્યું, તો તેની જગ્યાએ અમારા માટે એક બકરી ઝબેહ કરો, પછી (લકીત)ને કહ્યું : આ પ્રમાણેનો વિચાર તમારા દિલમાં ન આવે, લકીત રઝી. કહે છે કે અહીંયા આપ સલ્લલ્લાહુ અલયહિ વસલ્લમએ લા તહસબન્ન કહ્યું લા તહસિબન્ન નથી કહ્યું, કે અમે તેને તમારા માટે ઝબેહ કર્યું છે, પરંતુ વાત એવી છે કે અમારી પાસે સો બકરીઓ છે, અમે તેને વધારવા નથી માંગતા, એટલા માટે જ્યારે કોઈ વચ્ચું જન્મે છે તો અમે તેના બદલામાં એક બકરી ઝબેહ કરી દઇએ છીએ, લકીત રઝી. કહે છે મેં કહ્યું : હે અલ્લાહના રસૂલ ! મારી એક પત્ની છે, જેની જબાન ખૂબ ચાલે છે, (હું શું કરું)? આપ આપ સલ્લલ્લાહુ અલયહિ વસલ્લમે કહ્યું : તો તો તમે તેને તલાક આપી દો, મેં કહ્યું : હે અલ્લાહના રસૂલ! એક સમય સુધી અમે સાથે રહ્યા છે, તેનાથી મારા સંતાનો પણ છે!! આપ સલ્લલ્લાહુ અલયહિ વસલ્લમે કહ્યું તો તો તમે તેને નસિંહત કરો, જો તેનામાં ભલાઈ હશે તો તમારું અનુસરણ કરશે, તમારી વાત માનશે, અને તમે પોતાની પત્નીઓને આ રીતે ન મારો, જે રીતે તમે તમારી દાસીઓને મારો છો, પછી મેં કહ્યું : અલ્લાહના રસૂલ! મને વઝુ વિશે જણાવો, આપ આપ સલ્લલ્લાહુ અલયહિ વસલ્લમે કહ્યુ : વઝુ ખૂબ સારી રીતે કરો, આંગળીઓમાં ખિલાલ કરો, અને નાકમાં પાણી સારી રીતે પહોંચાડો, જો તમે રોઝાથી હોવ તો વધારે ન ચઢાવશો.