الشرح

Лекит бин Сабира, Аллах нека е задоволен со него, раскажува дека дошол како дел од делегацијата на неговото племе Бену ел-Мунтафик кај Божјиот пратеник, салаллаху алејхи ве селем. Рече: Кога стигнавме, не го затекнавме во неговата куќа, а ја затекнавме мајката на верниците, Аиша, Аллах нека е задоволен со неа. Таа нареди да ни се приготви супа од брашно и маст, и ни донесоа чинија со урми. Потоа дојде Божјиот пратеник, салаллаху алејхи ве селем, и праша: „Дали ви беше донесено нешто од храна?“ Рековме: „Да.“ Лекит продолжи: Додека седевме со Божјиот пратеник, салаллаху алејхи ве селем, дојде неговиот овчар, ги тераше овците кон местото каде што ги држат, а со него имаше мало јаре што блееше. Пратеникот го праша: „Што се роди?“ Тој рече: „Женско.“ Пратеникот рече: „Заколи за нас наместо него една возрасна овца.“ Потоа, салаллаху алејхи ве селем, додаде: „Не мислете дека оваа овца ја заклавме заради вас. Ние имаме сто овци и не сакаме бројот да им се зголеми. Кога ќе се роди ново јагне, колеме овца наместо јагнето.“ Лекит рече: „О Божји пратенику, мојата жена има остар јазик и грубост при зборувањето, па што да правам со неа?“ Тој му рече: „Тогаш разведи ја.“ Реков: „О Божји пратенику, имаме долг и заеднички живот со неа, а и имам деца од неа.“ Тој рече: „Тогаш поучи ја (посоветувај ја). Ако има добро во неа, ќе прифати совет. А ако не прифати, удри ја со удар што не остава трага и не е опасен, но немој да ја удираш својата сопруга како што ги удираш твоите робови.“ Потоа Лекит рече: „О Божји пратенику, извести ме за абдестот.“ Тој рече: „Нека водата при абдестот допре до сите места што треба да ги допре, дај му го на секој дел од телото неговото право, и не оставај ништо од неговите задолжителни и препорачани делови. Рашири ги и протријат ги прстите на рацете и на нозете при миењето, и темелно вшмукни вода во носот и испушти ја – освен ако постиш, за да не допре вода во стомакот.“