إعدادات العرض
خواى گەورە بەڕەحمترە بەرامبەر بە بەندەکانى زیاتر لە ئەم دایکە بەرامبەر منداڵەکەى
خواى گەورە بەڕەحمترە بەرامبەر بە بەندەکانى زیاتر لە ئەم دایکە بەرامبەر منداڵەکەى
لە عومەری کوڕی خەتابەوە -ڕەزای خوای لێبێت- دەڵێت: هەندێک سەبی^ هێنرا بۆ لای پێغەمبەری خودا -صلى اللە علیە وسلم-، ئافرەتێک لە سەبیەکان مەمكەكانی پڕی شیر بوو ودەگەڕا، ومنداڵێکی دۆزیەوە لە نێو سەبیەکان وگرتی، ولكاندی بە سكی وشیری پێیدا، پێغەمبەری خودا -صلى اللە علیە وسلم- فەرمووی: «پێتان وایە ئەمە منداڵەكەی فڕێ بداتە نێو ئاگرەوە؟»، ووتمان: نەخێر، هەتاوەكو لە توانایدا بێت كە فڕێی نەدات، فەرمووی: «خواى گەورە بەڕەحمترە بەرامبەر بە بەندەکانى زیاتر لە ئەم دایکە بەرامبەر منداڵەکەى». ^(سەبی: واتە ئەو ئافرەتانە ومنداڵەکانیان کە بەشدارن لە جەنگدا دژ بە مسوڵمانان ولە پاش جەنگەکە وەکو دیل گیران)
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Tiếng Việt සිංහල Hausa Magyar ქართული Kiswahili Română অসমীয়া ไทย Português मराठी دری አማርኛ ភាសាខ្មែរالشرح
هەندێک دیل لە هەوازینەوە هێنران بۆ لای پێغەمبەری خودا -صلى اللە علیە وسلم-، ئافرەتێک لە نێویان بە دوای منداڵەكەیدا دەگەڕا، بۆئەوەی منداڵەكەی بدۆزێتەوە وبیگرێت وبە شیری زۆری مەمكەكانی شیری پێبدات، كاتێك لە نێو دیلەكان منداڵەكەی دۆزیەوە وگرتی، ولكاندی بە سكی وشیری پێدا، پێغەمبەر -صلى اللە علیە وسلم- بە هاوەڵانی فەرموو: پێتان وایە ئەم ئافرەتە منداڵەكەی فڕێ بداتە نێو دۆزەخەوە؟ ووتمان: نەخێر، بە ویستی خۆی هەرگیز فڕێی نادات. فەرمووی: خواى گەورە بەڕەحمترە بەرامبەر بە بەندە مسوڵمانەکانى زیاتر لە ئەم دایکە بەرامبەر بە منداڵەکەى.فوائد الحديث
ڕەحمەت وبەزەیی خواى گەورە بەرامبەر بە بەندەکانى، وخێر وچاکەى بۆیان دەوێت ودەیەوێت ڕزگاریان بکات لە چوونە نێو دۆزەخ.
سوود وەرگرتن لە ڕوودا وپێشهاتەکان وبەستنەوەیان بە ڕێنموێنی وفێرکردن.
پێویستە ئیماندار گومانی باشی بە پەروەردگاری هەبێت، وبێ هیوا نەبێت لەگەڵ تەقوای خوای گەورە وپابەندبوون لەسەر دینداری، ئەو پەروەردگارە -سبحانه وتعالی- میهرەبانی وڕەحمەت وبەزەیی فراوانە.
التصنيفات
تاکبوونی خودا لە ناو و سیفاتەكانیدا