فوائد الحديث

شانازی وڕێزداریە بۆ ئەبوبەکری سدیق -ڕەزاى خواى لێبێت- کە هاوەڵی پێغەمبەری خودا بووە -صلى اللە علیە وسلم- لەکاتى کۆچ کردنی لە مەککەوە بۆ مەدینە، وخێزان وماڵ وسامانی بەجێهێشت لە پێناوی ئەمەدا.

ئاماژەیە بۆ سۆز وبەزەیی ئەبوبەکری سدیق -ڕەزاى خواى لێبێت-، وزۆری خۆشەویستی بۆ پێغەمبەری خودا -صلى اللە علیە وسلم-، ودەترسا لەوەى تووشی زیان بێت لەلایەن دوژمنانەوە.

واجبێتی متمانەکردن بە خواى گەورە -عز وجل-، ودڵنیابوون سەبارەت بەوەی بەندە دەپارێزێت وکاروبارەکانى بۆ جێبەجێ دەکات، ئەمیش لەپاش هەوڵدان بۆ خۆپاراستن وئاگاداربوون و وریایی.

خواى گەورە -سبحانه وتعالى- پێغەمبەرانی و وەلیەکانى -دۆستانی- دەپارێزێت، وکاروبارەکانیان بۆ جێبەجێ دەکات وسەریان دەخات، خواى گەورە دەفەرموێت: ﴿إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ﴾ واتە: ﴿بەڕاستی ئێمە پێغەمبەرانمان و ئەوانەی باوەڕیان ھێناوە سەرکەوتوو دەکەین لەژیانی دونیادا وە لەو ڕۆژەی (قیامەت) کە شاهێدەکان ھەڵدەستنەوە﴾.

ئاماژەیە بۆ ئەوەی هەرکەسێک تەوەکولی بە خواى گەورە هەبێت وپشت بە ئەو زاتە مەزنە ببەستێت ئەوا خواى گەورە سەری دەخات ویارمەتی دەدات ودەیپارێزێت.

کامڵێتی تەوەکول ومتمانە پێکردنی پێغەمبەر -صلى اللە علیە وسلم- بە پەروەردگاری، وئەو متمانەی بە الله هەیە وتەنها پشتی بە ئەو زاتە مەزنە بەستووە، وهەموو شتێكی خۆی بە ئەو سپاردووە.

ئازایەتی پێغەمبەر -صلى اللە علیە وسلم-، وبەردەوام دڵ ونەفسەکانى ئارامدەکردەوە.

ئاماژەیە بۆ هەڵهاتن لە پێناو دینداریدا لە ترسی دوژمن، وجێبەجێكردنی هۆكارەكان.