الشرح

Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) sagla lɩslaambã yεl a yopoe, la a gɩdg-b n yi yεl a yopoe, t'a sẽn sagl-b ne yεl ninsã: A rẽenem soabã: bãad kaagre. La a yiib soabã: kũ-rãmb pʋgbo, la lagem n pʋʋse, la b mumbu, la kos doaag n kõ-ba. La a tãab soabã: yaa doaag ne ned ning sẽn tĩsa la a pẽg Wẽnde, tɩ b yεεl-a: Yarhamuka Allaah (Wẽnd na yols-fo). La a naas soabã: yaa wẽeneg manegr la a sɩdgre, rat n na n yeel t'a sã n wẽen t'a na n maana yelle, la f tõe n maane, bɩ f maan-a, sẽn na yɩl n ra wa maan wẽenegã kaffaara ye. La a nu soabã: yaa b sẽn wẽg a soab sõngre, n teel a sεεga la tus bũmb ningã sẽn yaa wẽgdã n bas-a, pãng tõog tεka. La a yoob soabã: yaa sẽn boonda n tʋg waliimã sakre, wala pʋg-paal waliima, maa zulukri la zẽng sẽn ka b yiibã. La a yopoe soabã: yaa b sẽeg sallemã ningri la a leokre. La yεl nins a sẽn gɩdg-b n yi-ba: A rẽenem soabã: yaa sãnem nug-biig ningri, la nagd ne-a. La a yiib soabã: yaa yũub ne wanzur ko-teese. La a tãab soabã: yaa gãar zug zĩndgu: yẽ me yaa bõn-tʋɩtɩ sẽn rogend wed-moosã maa yʋgmã wã poya, la yaa wanzur la b maan ne-a. La a naas soabã: yaa yeelg fuug ning sẽn maan ne peend sẽn gẽdg ne harɩɩre, la b boonda yẽ tɩ (Al-ƙassiy). La a nu soabã: Harɩɩr yeelgre. La a yoob soabã: yaa ɭstabraƙ yeelgre, yẽnda me la harɩɩrã fu-tagdo. La a yopoe soabã: yaa dɩɩbaag yeelgo, la yẽnda me la harɩɩrã kõbg sẽn tʋg n yaa sõma n yɩɩda la a yaa toog n yɩɩda.