الشرح

Neb n wa Nɑbiyɑɑmã nengẽ (Wẽnd pʋʋsg lɑ A tɩlgr be ɑ yĩngɑ) sẽn yaa buud a yiib b sẽn boond tɩ ʿƲkl la ʿƲrayna, n yaa lɩslaamba, la bãag n paam-ba, tɩ b pʋsã wuki, tɩ b ka rat n na n zĩnd Madiin ye, bala Madiin rɩɩbã la a pemsmã ka zems ne-b ye. Tɩ Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) yeel-ba tɩ b kẽng sãra wã doosã yʋgmã wã zĩingẽ, n tʋg n yũud b rʋʋdmã la b bĩismã, tɩ b sɩd kẽnge, la b sẽn wa n paam laafɩ n nobã tɩ b kõbgã lebg n wa wã, la b sẽn kʋ Nɑbiyɑɑmã rũm-kɩɩmã (Wẽnd pʋʋsg lɑ A tɩlgr be ɑ yĩngɑ) la b peeg yʋgmã wã n zoe, t'a tʋm tɩ b tʋg n tall-b n wa, t'a na n kɩt tɩ b kʋʋs b nao wã la b nusã, la b feoos b ninã, bala bãmb maana rũm-kɩɩmã woto, la b lob-b kug laagẽ wã, tɩ b be beenẽ n bõosd koom tɩ b ka kõt-b ye, halɩ tɩ b wa tʋg n maan kaalem. A Abʋʋ Ƙɩlaaba yeelame (Wẽnd na yols-a): ad bãmbã zuume la b kʋ la b kɩflg b lɩɩmaoong poorẽ, la b zab ne Wẽnd la A Tẽn-tʋʋmã.