إعدادات العرض
((مسوگهر حهلال یێ ئاشكهرایه و حهرام ژی یێ ئاشكهرایه
((مسوگهر حهلال یێ ئاشكهرایه و حهرام ژی یێ ئاشكهرایه
ژ ئهبو عهبدولڵاهی، نوعمانێ کوڕێ بەشیری (خودێ ژێ ڕازی بیت) گۆت: من گوھ ل پێغەمبەرێ خودێ (صەلات و سەلامێن خودێ ل سەر بن) بوو دگۆت: ((مسوگهر حهلال یێ ئاشكهرایه و حهرام ژی یێ ئاشكهرایه، د ناڤبهرا وان ههردووكان ژیدا هندهك كارێن نهئاشكهرا ههنه كو گهلهك كهس وان نزانن، ڤێجا ههر كهسێ خۆ ژ كارێن نهئاشكهرا بپارێزیت؛ ئهڤه وی دینێ خۆ و نامویسا خۆ پاراست، و ههر كهسێ بكهڤیته د ناڤ واندا؛ ئهڤه ئهو كهڤته د ناڤ حهرامییێدا. وهكی شڤانی دهمێ پهزێ خۆ ل دۆر پاوانی دچهرینیت، نێزیكه ئهڤ پهزه بچیته د ناڤدا و بچهرینیت، بزانن كو ههر مهلكهكی پاوانهك ههیه و پاوانێ خودێ ژی ئهو تشتن یێن وی حهرام كرین، بزانن كو پارچهیهك د لهشیدا ههیه؛ ئهگهر باش بوو؛ لهش ههمی دێ باش بیت و ئهگهر خراب بوو؛ لهش ههمی دێ خراب بیت، ئهو پارچه ژی دله)).
الترجمة
العربية Español አማርኛ English اردو Indonesia ئۇيغۇرچە বাংলা Français Türkçe Русский Bosanski සිංහල हिन्दी 中文 فارسی Tiếng Việt Tagalog Kurdî Hausa Português മലയാളം తెలుగు Kiswahili தமிழ் မြန်မာ ไทย Deutsch 日本語 پښتو অসমীয়া Shqip Svenska Nederlands ગુજરાતી Кыргызча नेपाली Yorùbá Lietuvių دری Српски Soomaali тоҷикӣ Kinyarwanda Română Magyar Čeština Moore Malagasy Fulfulde Italiano Oromoo ಕನ್ನಡ Wolof Български Azərbaycan Ελληνικά Akan O‘zbek Українська ქართული Lingala Македонски ភាសាខ្មែរ Bambara ਪੰਜਾਬੀ मराठी Kirundi Bahasa Melayu Yaoالشرح
پێغەمبەر (صەلات و سەلامێن خودێ ل سەر بن) بناخهیهكێ گشتی د تشتاندا دیار دکەت و کو ئەڤ تشتە د شەریعهتیدا بۆ سێ پشكان دابەش دبن: حەلالەکێ دیار و ئاشكهرا، حەرامەکێ دیار و ئاشكهرا و تشتێن جهێ گومانێ کو حوکمێ وان یێ ئاشکەرا نینە ژ لایێ حەلالی و حەرامییێڤە و گەلەك ژ خەلکی حوکمێ وان نزانن. ڤێجا هەر کەسێ ئەو تشتێن گومانلێکری هێلان؛ دینێ وی ب دویرکەڤتن ژ کەڤتنا د ناڤ حەرامییێدا پاراستی دمینیت، نامویسا وی ژی ژ گۆتنێن خەلکی پاراستی دمینیت ب وێ چەندێ یا کو ژ بەر کرنا ڤی تشتێ گومانلێکری وی پێ عهیبدار دکەن. و هەر کەسێ خۆ ژ تشتێن گومانلێکری نەپاراست؛ ئهڤه وی نەفسا خۆ ئێخستە د مەترسییێدا، ڤێجا یان ب کەڤتنا د ناڤ حەرامییێدا، یان ژی ب وێ چهندێڤە خەلك دێ بهحسێ نامویسا وی كهت. پێغەمبەرێ خودێ (صەلات و سەلامێن خودێ ل سەر بن) نموونەیەك ئینا داکو ڕهوشا وی كهسێ تشتێن گومانلێکری دکەت دیار بکەت و کو ئەو وەك وی شڤانییە یێ پهزێ خۆ ل نێزیك ئهردهكی دچهرینیت کو خودانێ وی ئهردی ئهو ئهرد یێ پاراستی و پاوان و چهپهرهكێ بۆ دانای، ڤێجا نێزیکە کو پهزێ ڤی شڤانی بچیته د ناڤ ڤی ئهردیدا و ڤی پاوانی دهرباز بكهت ژ بەر نێزیکبوونا وان ژ وی، هەر ب وی شێوەی یێ تشتێ گومانلێکری دکەت، ئهو ب وێ چەندێ یێ نێزیکی حەرامییێ دبیت و نێزیکە بكهڤیته تێدا. پاشی پێغەمبەری (صەلات و سەلامێن خودێ ل سەر بن) گۆت کو د لەشیدا پارچەکا گۆشتی هەیە (کو ئەو ژی دلە) ب چاکییا وێ پارچێ؛ لەش چاك دبیت، و ب خرابییا وێ پارچێ؛ لهش خراب دبیت.فوائد الحديث
ئهڤ فەرموودە بناخهیهكه بۆ خۆپاراستنا ژ گۆمانان.
هاندان بۆ هێلانا تشتێ گومانلێکری، ئهوێ کو حوکمێ وی دیار نەبووی.