إعدادات العرض
((باشی ڕهوشتێ جوانه، خرابی ژی ئهو تشته یێ د سنگێ تهدا بهێت و بچیت و ته پێ نهخۆش بیت خهلك پێ ئاگههدار بن
((باشی ڕهوشتێ جوانه، خرابی ژی ئهو تشته یێ د سنگێ تهدا بهێت و بچیت و ته پێ نهخۆش بیت خهلك پێ ئاگههدار بن
ژ نهوواسێ كوڕێ سهمعانی (خودێ ژێ ڕازی بیت) ژ پێغهمبهری (صهلات و سهلامێن خودێ ل سهر بن) گۆت: ((باشی ڕهوشتێ جوانه، خرابی ژی ئهو تشته یێ د سنگێ تهدا بهێت و بچیت و ته پێ نهخۆش بیت خهلك پێ ئاگههدار بن)). ژ وابیصهیێ كوڕێ مهعبهدی (خودێ ژێ ڕازی بیت) گۆت: ئهز هاتمه دهڤ پێغهمبهرێ خودێ (صهلات و سهلامێن خودێ ل سهر بن)، ئینا وی گۆته من: ((تو هاتی پرسیارا باشی و خرابییێ بكهی؟))، من گۆت: بهلێ، گۆت: ((پرسیارێ ژ دلێ خۆ بكه، باشی ئهو تشته یێ نهفس و دل ل سهر ئارام دبن و پێ ڕحهت دبن، خرابی ژی ئهو تشته یێ د نهفسا تهدا بهێت و بچیت و د سنگێ تهدا بگهڕییێت، ئهگهر خۆ خهلك فهتوایێ ژی بۆ ته پێ بدهن)).
الترجمة
العربية Español አማርኛ English اردو Indonesia বাংলা Français Türkçe Русский Bosanski සිංහල हिन्दी 中文 فارسی Tiếng Việt Tagalog Kurdî Hausa Português മലയാളം తెలుగు Kiswahili தமிழ் ไทย Deutsch پښتو অসমীয়া Shqip Nederlands ગુજરાતી Кыргызча नेपाली Lietuvių دری Српски тоҷикӣ Kinyarwanda Magyar Čeština Moore Malagasy Oromoo ಕನ್ನಡ Wolof Azərbaycan O‘zbek Українська ქართული Македонски ភាសាខ្មែរ ਪੰਜਾਬੀ मराठी Kirundi Bahasa Melayuالشرح
پێغهمبهری (صهلات و سهلامێن خودێ ل سهر بن) بهحسێ باشی و خرابییێ كر و گۆت: مسوگهر مهزنترین سالۆخهتێن باشییێ؛ ڕهوشتێ جوانه د گهل خودێ ب تهقوایێ و د گهل خهلكی ب قهبویلكرن و خۆلبهرگرتنا نهخۆشی و ئازارێ و كێمییا توڕهبوونێ و ڤهبوون و گهشاتییا دێمی و ئاخڤتنا خۆش و گههاندنا پهیوهندییێن مرۆڤاینییێ و گوهدان و نهرمینی و باشی و پێكڤهژیانهكا باش و خۆش و باشی ئهوه یا دل و نهفس پێ ئارام ببن. و گونههـ ئهوه یا د نهفسێدا دهێت و دچیت ژ بهر تشتێن جهێ گۆمانێ بێی كو سنگ پێ ڤهبیت و د دڵێ خۆدا گۆمانێ ژێ بكهی و ژ وێ ئێكێ بترسی كو ئهو گونههه و ته نهڤێت وێ چهندێ دیار بكهی، ژ بهر كو تو ب تشتهكێ خراب دزانی ل دهڤ خهلكێ مهزن و ژیر و تهمام، ئهڤه ژی چونكی نهفس ب سرۆشتێ خۆ حهز دكهت خهلك ل سهر باشییێن وێ ئاگههدار ببن، ڤێجا ئهگهر نهڤیا خهلك ل سهر هندهك كریارێن وێ ئاگههدار ببن؛ ئهڤه گونههه و خێر و باشی تێدا نینه، ئهگهر خهلكی ژی فهتوا بۆ ته دا؛ تو فهتوایا وان وهرنهگره هندی نیشانا گۆمانێ د دڵێ تهدا ههبیت، چونكی فهتوا گۆمانێ ژ ناڤ نابهت ئهگهر گۆمان یا دروست بیت و موفتى بێی زانین فهتوایێ بدهت، بهلێ ئهگهر فهتوا ل سهر بهڵگهیهكێ شهرعی هاتبیته ئاڤاكرن؛ هنگی پێدڤییه كهسێ پرسیاركری بۆ بزڤڕیت و پێگیربیت، خۆ ئهگهر سنگێ وی ژی پێ ڤهنهبوو.فوائد الحديث
هاندان ل سهر ڕهوشتێن جوان و تازه، چونكی ڕهوشتێ جوان ژ مهزنترین خهسلهتێن باشییێیه.
حهقی و نهحهقی ل دهڤ مرۆڤێ باوهردار لێك ئالۆز نابن، بهلكی مرۆڤێ باوهردار ب وێ ڕوناهییا د دلێ ویدا ههی حهقییێ دنیاسیت و دزانیت حهقییه و ژ نهحهقییێ دڕهڤیت و كهربێن وی ژێ ڤهدبن.
ژ نیشانێن گونههێ؛ دوودلی و تێكچوونا دلییه و نهڤیانه كو خهلك بزانن و ب سهر ههلبن.
سندی دبێژیت: ئهڤه دهربارهی وان تشتانه یێن جهێ گومانێ كو خهلك نزانیت یا دروست تێدا كیژكه، ئهگهر نه؛ تشتێ شهریعهتی فهرمان ب كرنا وی كری، ئهگهر چ بهلگه نهبن كو دژی ڤێ چهندێ بن؛ ژ تشتێن باشه، و تشتێ شهریعهتی پاشڤهبرن ژێ كری ژ گونههێیه و پێدڤی ناكهت بۆ ڤێ چهندێ مرۆڤ پرسیارا دلێ خۆ بكهت و خۆ ژێ پشتڕاست و تهنا بكهت.
ئهو كهسێن د فهرموودهیێدا ئاخڤتن بۆ هاتییه ئارستهكرن ژی خودانێن خورستییا (فیترهتا) ساخلهمن، نه خودانێن دلێن بهروڤاژی یێن كو چ خێر و باشییان ب باشی نابینن و چ خرابییان ژی ب خرابی نابینن، ئهو نهبیت یا د گهل حهزێن وان دگونجیت.
طهییبی دبێژیت: هاتییه گۆتن كو پهیڤا (البر) د فهرموودهیێدا ب چهندین ڕامانان هاتییه ڕاڤهكرن، ڤێجا ل جههكی ب وێ ڕامانێ هاتییه ڕاڤهكرن كو ئهو تشته یێ نهفس پێ ڕحهت دبیت و دل پێ ئارام دبیت، ل جههكێ دی ب باوهرییێ هاتییه ڕاڤهكرن، ل جههكی ژی ب وی تشتێ ته نێزیكی خودێ دكهت، ل ڤێرێ ژی ب ڕهوشتێ جوان هاتییه ڕاڤهكرن، ڕهوشتێ جوان و تازه ژی هاتییه ڕاڤهكرن بـ: خۆلبهرگرتن و ههداركێشانا ل سهر نهخۆشییێ و كێم تووڕهبوونێ و ڤهكرنا ناڤچاڤان و گڕنژینێ و ئاخڤتنا خۆش و جوان، ههمی ژی د ڕامانێدا نێزیكی ئێكن.