إعدادات العرض
Ned ning sẽn wa n tʋg n bas a meng n yi tãng zug n lʋɩ, n kʋ a mengã, a bee Gεhannam Bugmã pʋgẽ, n lʋɩt a pʋgẽ, n yaa duumda n yaa paad a pʋgẽ lae-lae
Ned ning sẽn wa n tʋg n bas a meng n yi tãng zug n lʋɩ, n kʋ a mengã, a bee Gεhannam Bugmã pʋgẽ, n lʋɩt a pʋgẽ, n yaa duumda n yaa paad a pʋgẽ lae-lae
Yii a Abɩɩ Hʋrayrat nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩnga) a yeelame: «Ned ning sẽn wa n tʋg n bas a meng n yi tãng zug n lʋɩ, n kʋ a mengã, a bee Gεhannam Bugmã pʋgẽ, n lʋɩt a pʋgẽ, n yaa duumda n yaa paad a pʋgẽ lae-lae. La ned ning sẽn wa n yũ zẽnem n kʋ a menga, zẽnemã be a nugẽ wã t'a yũud-a Gεhannem Bugmã pʋgẽ, n yaa duumda n yaa paad a pʋgẽ lae-lae. La ned ning sẽn kʋ a meng ne kutu, a kutã be a nugẽ wã t'a kõsd-a ne a pʋgã, Gεhannam Bugmã pʋgẽ, n yaa duumda, n yaa paad a pʋgẽ lae-lae».
الترجمة
العربية Tiếng Việt অসমীয়া Nederlands Bahasa Indonesia Kiswahili Hausa සිංහල English ગુજરાતી Magyar ქართული Română Русский Português ไทย తెలుగు मराठी دری Türkçe አማርኛ বাংলা Kurdî Malagasy Македонски Tagalog ភាសាខ្មែរ Українська ਪੰਜਾਬੀ Wolof پښتوالشرح
Nabiyaamã (Wẽnd pʋʋsg lɑ A tɩlgr be ɑ yĩngɑ) bugsa ned ning sẽn wa n kʋ a meng ne pu-toog dũni wã pʋgẽ, tɩ ad b na n nams a soabã dũni yikr raarã, Gεhannamã pʋgẽ, ne sor ninga a sẽn tũ n kʋ a mengã, Bugmẽ wã, tɩ na n yɩ rolb sẽn zems ne yẽ tʋʋmdã. Rẽnd ned ning sẽn lub a meng yĩngri, n ki, a bee Gεhannam Bugmã pʋgẽ, n lʋɩt beenẽ, n yit Bugmã tãmsã n lʋɩt a ko-soodẽ wã, t'a yaa duumd a pʋgẽ lae-lae. La ned ning sẽn yũ zẽnem n kʋ a menga, a zẽnemã be a nugẽ wã, t'a fʋrgd-a n yaa duumd a pʋgẽ lae-lae. La ned ning sẽn kε a meng ne sʋʋgã, n kõs a pʋga, n kʋ a yõorã, ad a kuiigã be a nusẽ wã, t'a kõsd a mengã Gεhannemã Bugmã pʋgẽ, n yaa duumd a pʋgẽ lae-lae.فوائد الحديث
Yaa sẽn harem tɩ ninsaal ra kʋ a menga, la a bee zũnuub bεdã pʋgẽ, a sõmba ne namsg sẽn zabde a yĩnga.
B sẽn togs bũmb ning hadiisã pʋgẽ wã, a yaa bilg-n-taar rɩkr ne yõorã kʋʋb kõbg sãnda, sã n ka rẽ, a sẽn wa n kʋ a mengã ne halhaal ning fãa b namsd-a lame wala a sẽn kʋ a mengã to-to ningã, la waa Al-bʋhaariy Gaf manegdgã pʋgẽ, Nabiyaamã (Wẽnd pʋʋsg lɑ A tɩlgr be ɑ yĩngɑ) koεεg sẽn yeele: "ned ning sẽn sãr a menga, a na n sãra a meng Gεhannamã pʋgẽ, la ned ning sen kõs a mengã, a na n kõs-a-la Bugmã pʋgẽ".
A An-nawawiy yeelame (Wẽnd na yols-a) la Nabiyaamã (Wẽnd pʋʋsg lɑ A tɩlgr be ɑ yĩngɑ) koεεgã sẽn yeel t'a (bee Gehannam Bugmã pʋgẽ, n duumd a pʋgẽ n paad a pʋgẽ lae-lae) wã; b yeela koees wʋsg a pʋgẽ: b yembre: tɩ woto yaa ned ning sẽn wa n maan-a n yeel tɩ sakdame n yaool n miẽ tɩ yaa haraam, rẽnd yẽ soabã yaa kɩfre, yãwã soabã bʋʋd la woto. Yiib soaba: tɩ b sẽn rat ne duumgã, yaa wakatã woglgo, la zĩndig ning sẽn na n woglã, la ad ka duumdg sɩd-sɩd ye, wala b sẽn yet: tɩ Wẽnd na duum Naabã Naam. Tãab soaba: Yaa tɩ woto la rolbo, la Wẽnde (A Naam yɩ wagell n zẽke,) A kõo kibare, tɩ ned ning sẽn ki ne lɩslaango, a ka duumd Bugmẽ wã ye.
Yãwã yaa sẽn na n mak laahr sɩbg-rãmbã ne dũni sɩbg-rãmbã, la b rɩkda a pʋgẽ, ninsaal sẽn na n maan a menga, a yaa wala a sẽn na n maan a to, a zũnuubã wεεngẽ, bala yẽ yõorã ka yẽnd n so ye, yaa Wẽnd n so, (A Naam zẽk yã), a ka tõe n maan a pʋgẽ, rẽnda bũmb ning Wẽnd sẽn kõ-a sorã.