الشرح

اللہ کے نبی صلی اللہ علیہ و سلم کے پاس قبیلہ ہوازن کے کچھ قیدی لائے گئے۔ قیدیوں میں ایک عورت نظر آئی جو اپنے بچے کو تلاش رہی تھی۔ جیسے ہی کوئی بچہ ملتا، اسے اٹھا لیتی اور دودھ پلانے لگتی کہ چھاتی میں دودھ جمع ہونے کی وجہ سے پریشانی کی شکار تھی۔ اسی درمیان اسے قیدیوں میں اپنا بچہ مل گیا، تو اسے اٹھا لیا، سینے سے لگا لیا اور دودھ پلانے لگی۔ یہ دیکھ کر اللہ نے نبی صلی اللہ علیہ و سلم نے اپنے صحابہ سے پوچھا : کیا تم تصور کر سکتے ہو کہ یہ عورت اپنے بچے کو آگ میں ڈال دے گی؟ ہم نے جواب دیا : طاقت رہتے ہوئے تو کبھی نہيں ڈال سکتی۔ چنانچہ آپ نے کہا : اللہ اپنے مومن بندوں پر اس سے کہيں زیادہ مہربان ہے، جتنا یہ اپنے بچے پر ہے۔