فوائد الحديث

ការអំពាវនាវយ៉ាងល្អរបស់ណាពី ﷺ និងការបញ្ជាក់ពីការពិត ដោយលោកមិនបានបកអាក្រាតជនដែលធ្វើខុសនោះឡើយ ព្រោះថាគោលបំណង គឺបញ្ជាក់ពីការពិត ដែលបានកើតឡើង។ ម្យ៉ាងទៀត ការធ្វើដូច្នោះ ក៏ជាការបិទបាំងដល់អ្នកដែលធ្វើខុស និងធ្វើឲ្យជននោះងាយនឹងទទទួលយក។

ហាមឃាត់យ៉ាងដាច់ខាត និងព្រមានយ៉ាងធ្ងន់ធ្ងរចំពោះអ្នកដែលងើយក្បាលសម្លឹងទៅមើលមេឃក្នុងពេលសឡាត។

នៅក្នុងសៀវភៅ “عون المعبود” អ្នកនិពន្ធបានលើកឡើងថា៖ មូលហេតុដែលគេហាមឃាត់ដូច្នោះ គឺដោយសារតែនៅពេលដែលគេងើយក្បាលសម្លឹងទៅលើមេឃ ធ្វើឲ្យរូបគេបែរចេញពីទិសគិបឡាត់ និងងាកចេញពីវា និងពីឥរិយាបថត្រឹមត្រូវនៃការសឡាត។

ការសម្លឹងភ្នែកទៅលើ គឹផ្ទុយនឹងការផ្តោតអារម្មណ៍នៅក្នុងសឡាត។

ឋានៈដ៏ធំធេងនៃការសឡាត ហើយចាំបាច់លើអ្នកសឡាតត្រូវមានសុជីវធម៌ពេញលេញចំពោះអល់ឡោះជាម្ចាស់នៅក្នុងពេលដែលខ្លួនកំពុងសឡាត។