الشرح

ណាពី ﷺ លោកបានណែនាំដល់ជនមូស្លីមថា នៅពេលដែលរូបគេចង់ចូលម៉ាស្ជិត គឺគេត្រូវសឡាវ៉ាតលើណាពី ﷺ ដោយពោលថា៖ “اللهم صل وسلم على محمد” (ឱអល់ឡោះជាម្ចាស់! សូមទ្រង់មេត្តាសឡាវ៉ាត និងសាឡាមទៅលើណាពីមូហាំម៉ាត់ផងចុះ)។ បន្ទាប់មក ចូរឲ្យគេសូត្រថា៖ “اللهم افتح لي أبواب رحمتك” (ឱអល់ឡោះជាម្ចាស់! សូមទ្រង់មេត្តាបើកបណ្តាទ្វារនៃក្តីមេត្តាករុណារបស់ទ្រង់សម្រាប់ខ្ញុំផង”។ ហើយនៅពេលចេញពីម៉ាស្ជិតវិញ ចូរឲ្យគេឲ្យសាឡាមលើណាពី ﷺ ហើយសូត្រថា៖ “اللَّهُمَّ اعْصِمْنِي مِنْ الشَّيْطَانِ الرَّجِيمِ” (ឱអល់ឡោះជាម្ចាស់! សូមទ្រង់មេត្តាការពាររូបខ្ញុំពីស្ហៃតនដែលត្រូវគេដាក់បណ្តាសាផង)។ ចំណែកឯនៅក្នុងសេចក្តីរាយការណ៍របស់ អាល់ហាគិម វិញ៖ ចូរឲ្យគេសូត្រថា៖ “اللَّهُمَّ أَجِرْنِي مِنَ الشَّيْطَانِ الرَّجِيمِ” (ឱអល់ឡោះជាម្ចាស់! សូមទ្រង់មេត្តាបញ្ចៀសរូបខ្ញុំពីស្ហៃតនដែលត្រូវគេដាក់បណ្តាសាផង)។