إعدادات العرض
ئەگەر یەکێکتان چووە ژوورەوە بۆ نێو مزگەوت، با سەلام لەسەر پێغەمبەر بدات، پاشان بڵێت: (اللَّهُمَّ افْتَحْ لِي أَبْوَابَ رَحْمَتِكَ)
ئەگەر یەکێکتان چووە ژوورەوە بۆ نێو مزگەوت، با سەلام لەسەر پێغەمبەر بدات، پاشان بڵێت: (اللَّهُمَّ افْتَحْ لِي أَبْوَابَ رَحْمَتِكَ)
لە ئەبی ھوڕەیڕەوە -ڕەزاى خواى لێبێت- کە پێغەمبەری خودا -صلى الله عليه وسلم- دەفەرموێت: «ئەگەر یەکێکتان چووە ژوورەوە بۆ نێو مزگەوت، با سەلام لەسەر پێغەمبەر بدات، پاشان بڵێت: (اللَّهُمَّ افْتَحْ لِي أَبْوَابَ رَحْمَتِكَ) واتە: (خودایە، دەرگاکانی ڕەحمەتی خۆتم بۆ بکەرەوە)، و کاتێکیش هاتە دەرەوە (لە مزگەوت)، با سەلام لەسەر پێغەمبەر بدات، پاشان بڵێت: (اللَّهُمَّ اعْصِمْنِي مِنَ الشَّيْطَانِ الرَّجِيمِ) واتە: (خودایە، بمپارێزە لە شەیتانی نەفرەتلێکراو)».
الشرح
پێغەمبەر (صلى الله عليه وسلم) ڕێنموێنی موسڵمانی کردووە بەوەی كاتێك دەیەوێت بچێتە نێو مزگەوتەوە؛ سەلام لەسەر پێغەمبەر -صلى الله عليه وسلم- بدات بە ووتنی: (اللهم صل وسلم على محمد) واتە: (خودایە وەسف وستایشی موحەمەد وبنەماڵە وشوێنکەوتووانى بکە -صلى اللە علیە وسلم-)، پاشان بڵێت: (اللهم افتح لي أبواب رحمتك) واتە: (خودایە، دەرگاکانی ڕەحمەتی خۆتم بۆ بکەرەوە). و کاتێک كە دەیەوێت بێـتە دەرەوە، با سەلام لەسەر پێغەمبەر بدات -صلى اللە علیە وسلم-، و بڵێت: (اللهم اعصمني من الشيطان الرجيم) واتە: (خودایە، بمپارێزە لە شەیتانی نەفرەتلێکراو)، و لە گێڕانەوەی (حاكم)دا هاتووە: با بڵێت: (اللهم أجرني من الشيطان الرجيم) واتە: (خودایە، پەنام بدە لە شەیتانی نەفرەتلێکراو).فوائد الحديث
ووتنی ئەم نزایە لەکاتی چوونە نێو مزگەوت ودەرچوون لێی ؛ سونەتە.
نزای دەرچوون لە مزگەوت گشتییە بۆ هەموو مزگەوتەکان؛ تەنانەت بۆ مزگەوتی حەرامیش.
ووتنی زیکری ڕەحمەت لەكاتی چوونە ژوورەوە، و داوای پاراستن لە شەیتان لەكات هاتنە دەرەوە: داناییەكەی ئەوەیە کە ئەو کەسەی دەچێتە ژوورەوە بۆ نێو مزگەوت خەریكی شتێک دەبێت کە لە خودا و بەهەشتەکەی نزیکی دەکاتەوە، بۆیە گونجاوە کە باسی ڕەحمەت بکات، جا کاتێک دێتە دەرەوە، دەچێتە نێو دونیاوە بەو هەموو شتە سەرگەرمکەر و سەرقاڵکەرانەی کە تێیدایە، بۆیە گونجاوە کە داوای پارێزگاری و پاراستن لە خودا بکات لە شەیتان.
التصنيفات
حوکمەکانی مزگەوت