فوائد الحديث

ಅನ್ಯಾಯವಾಗಿ ಕೊಲ್ಲುವುದು ಮತ್ತು ಉದ್ದೇಶಪೂರ್ವಕವಾಗಿ ಕೊಲ್ಲುವುದು ಎಷ್ಟು ಗಂಭೀರವಾಗಿದೆ ಎಂದರೆ, ಅದು ಸತ್ಯವಿಶ್ವಾಸಿಯನ್ನು ಧರ್ಮದ ವಿಶಾಲತೆಯಿಂದ ಇಕ್ಕಟ್ಟಿಗೆ ತಳ್ಳುತ್ತದೆ.

ನಿಷಿದ್ಧವಾದ ಕೊಲೆಗಳು ನಾಲ್ಕು ವಿಧಗಳಾಗಿವೆ: 1. ಮುಸ್ಲಿಮರನ್ನು ಕೊಲ್ಲುವುದು: ಇದು ಅವುಗಳಲ್ಲಿ ಅತ್ಯಂತ ಗಂಭೀರವಾದುದು. 2. ‘ಧಿಮ್ಮಿ’ಗಳನ್ನು ಕೊಲ್ಲುವುದು: ದಿಮ್ಮಿಗಳು ಎಂದರೆ ಇಸ್ಲಾಮೀ ರಾಜ್ಯದಲ್ಲಿ ತೆರಿಗೆ ನೀಡುವ ಮತ್ತು ಇಸ್ಲಾಮೀ ತೀರ್ಪುಗಳಿಗೆ ಬದ್ಧರಾಗುವ ಷರತ್ತಿನೊಂದಿಗೆ ತಮ್ಮ ಧರ್ಮದಲ್ಲಿಯೇ ಉಳಿದುಕೊಂಡಿರುವ ಯಹೂದಿಗಳು ಮತ್ತು ಕ್ರೈಸ್ತರು. 3. ಕರಾರಿನಲ್ಲಿರುವವರನ್ನು ಕೊಲ್ಲುವುದು: ಇವರು ಮುಸ್ಲಿಮೇತರ ದೇಶದಲ್ಲಿರುವ ಸತ್ಯನಿಷೇಧಿಗಳಾಗಿದ್ದು, ಮುಸ್ಲಿಮರ ಮತ್ತು ಅವರ ನಡುವೆ ಶಾಂತಿ ಒಪ್ಪಂದವಿರುತ್ತದೆ. ಮುಸ್ಲಿಮರು ಅವರೊಂದಿಗೆ ಯುದ್ಧ ಮಾಡುವುದಿಲ್ಲ ಮತ್ತು ಅವರು ಮುಸ್ಲಿಮರೊಂದಿಗೆ ಯುದ್ಧ ಮಾಡುವುದಿಲ್ಲ. 4. ಸುರಕ್ಷತೆ ನೀಡಲಾದವರನ್ನು ಕೊಲ್ಲುವುದು: ಇವರು ಮುಸ್ಲಿಮರೊಂದಿಗೆ ಯುದ್ಧದಲ್ಲಿರುವ ಮುಸ್ಲಿಮೇತರ ದೇಶಗಳ ಸತ್ಯನಿಷೇಧಿಗಳಾಗಿದ್ದು, ಮುಸ್ಲಿಮರ ಮತ್ತು ಅವರ ನಡುವೆ ಯಾವುದೇ ಶಾಶ್ವತ ರಕ್ಷಣೆ ಅಥವಾ ಒಪ್ಪಂದವಿರುವುದಿಲ್ಲ, ಆದರೆ ಮುಸ್ಲಿಮರು (ಅಥವಾ ಮುಸ್ಲಿಮ್ ಆಡಳಿತಗಾರರು) ಅವರಿಗೆ ಮುಸ್ಲಿಂ ದೇಶವನ್ನು ಪ್ರವೇಶಿಸಲು ನಿಗದಿತ ಸಮಯದವರೆಗೆ ಸುರಕ್ಷತೆ ನೀಡಿರುತ್ತಾರೆ.