لە میقدادی کوڕی ئەسودەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت: «خۆر نزیک دەبێتەوە لە ڕۆژی قیامەتدا لە بوونەوەرەکان هەتاوەکو تەنها میلێک لێیانەوە دوور دەبێت»، سەلیمی کوڕی عامر کە لە میقدادەوە ئەم فەرموودەى گێڕاوەتەوە دەڵێـت: والله نازانم مەبەستی لە میل چییە، ئایا دووری یەک میل لەسەر زەویدا یان ئەو میلەیە کە چاوی پێ دەڕێژن؟ -صلى اللە علیە وسلم- فەرمووی: «خەڵکی بە پێی کردەوەکانیان لە ئارەقدا (ئارەقی لاشەیان) نقوم دەبن، هەیانە (ئارەقەکە) دەگاتە لای قولەپێکانی، وهەیانە دەگاتە لای ئەژنۆکانى، وهەیانە دەگاتە لای کەمەری، وهەیانە دەگاتە لای دەمی». دەڵێت: وپێغەمبەر -صلى اللە علیە وسلم- ئاماژەی بۆ دەمی کرد. لە ئەبی هورەیرەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت: «خەڵکی لە ڕۆژی قیامەتدا ئارەق دەکەن هەتا ئارەقەکە حەفتا باڵ دەچێتە نێو زەویدا، وئارەقەکە (نقومیان دەکات) هەتاوەکو دەگاتە لای دەم وگوێیان».