Ayon kay Al-Miqdād bin Al-Aswad, malugod si Allāh sa kanya: "Ilalapit ang araw sa Araw ng Pagkabuhay sa mga nilikha hanggang sa ito, mula sa kanila, ay gaya ng layong isang mīl." Nagsabi si Sulaym bin `Āmir, ang tagasanaysay buhat kay Al-Miqdād: "Ngunit sumpa man kay Allāh, hindi ko nalalaman kung ano ang tinutukoy niya sa mīl: ang distansiya ba ng lupa o ang mīl na ipinangkukulay sa mata?" Nagsabi siya: "Kaya ang mga tao ay ayon sa sukat ng mga gawa nila [sa pagkakalubog] sa pawis. Mayroon sa kanilang magiging hanggang sa mga bukungbukong niya. Mayroon sa kanilang magiging hanggang sa mga tuhod niya. Mayroon sa kanilang magiging hanggang sa baywang niya. Mayroon sa kanilang rerendahan ng pawis bilang renda." Nagsabi ito: "Tumuro ang Sugo ni Allāh, pagpalain siya ni Allāh at pangalagaan, sa pamamagitan ng kamay niya sa bibig niya." Ayon kay Abū Hurayrah, malugod si Allāh sa kanya: Ang Sugo ni Allāh, pagpalain siya ni Allāh at pangalagaan, ay nagsabi: "Papawisan ang mga tao sa Araw ng Pagkabuhay hanggang sa hanggang sa lumubog ang pawis nila sa lupa nang pitumpong siko at rerendahan sila nito hanggang sa umabot sa mga tainga nila."