الشرح

ئەم فەرموودەیە لە (جوامع الکلم)ی پێغەمبەرە -صلى اللە علیە وسلم- چونکە سەرەڕای ئەوەى چەند وشەیەکی کەم لە خۆ دەگرێت بەڵام سوود وکاریگەری زۆری هەیە، ئەم فەرموودەیە هەموو خێرێکی لە خۆ گرتووە، وپێغەمبەر -صلى اللە علیە وسلم- فەرمانى بە عەلی کرد -ڕەزاى خواى لێبێت- کە ئەم نزایە بکات، کە دەفەرموێت: (اللهم اهْدِنِي، وسَدِّدْنِي)، (واتە خودایە داواى هیدایەت وجێگربوون وبەردەوامیم لە تۆ دەکەم لەسەر ڕێگای ڕاست -لەسەر ئیستیقامەت-). اللهم (خودایە): داوا کردنە لە خواى گەورە بە پیرۆزترین ناوی کە ئەویش (اللە)یە. (اللهم) واتا (یا الله) کە بۆ پوختکردنەوە (م) لە جێگای (یا) دانراوە. اهدني (هيدايەتم بدە): نزا وڕەجایە بۆ ئەوەى بەندە هیدایەت بدرێت وڕێنموێنی بکرێت بۆ سەر ڕێگای ڕاست. وسددنی (وجێگیرم بکە لە سەر ڕێگای ڕاست): نزا وڕەجایە بۆ ئەوەى بەردەوام وجێگیر بێت لە سەر ڕێگای ڕاست وسەرکەوتوو بێت لە هەموو کاروبارەکان بەوانەى دونیاشەوە، کە وشەی (سدد) بە واتای ئەوەیە بمپارێزیت لە هەڵەکان وهەوڵ بدەم خۆم چاک بکەم وپاک ببمەوە لێیان. بۆیە ئەم نزایە دوو شتی لە خۆ گرتووە: أ- داواکردنی هیدایەتدان بۆ سەر ڕێگای ڕاست. ب- داواکردنی بەردەوام بوون وجێگیر بوون لە سەر ڕێگای ڕاست بە شێوەیەک کە بەندە دوور بێت لە هەموو گومڕاییەک وهەڵەیەک. ئەوەى خواى گەورە هیدایەتی بدات سەرکەوتووی بکات بۆ وتنی ئەم نزایە ئەوا لە سەر ڕێگای ڕاستی هیدایەتە، وبەردەوام وجێگیرە لەسەری، ولە ڕێگای گومڕایی وهەڵەکردن دوورە.