الشرح

چونکە هەموو بەندەکان بەردەوام هەژارن وپێویستیان بە بەخشینەکانى خواى گەورەیە، وخودا دەوڵەمەندە وتەنها خۆی شایەنی حەمد وسوپاسکردنە، بۆیە پێغەمبەر -صلى اللە علیە وسلم- نەهی کردووە داواکردنی لێخۆشبوون وڕەحمەت لە خواى گەورە لە کاتی نزادا ببەسترێتەوە بە ویستی خودا، وفەرمانی کرد کە کەسەکە سوور بێت لەسەر داواکردنەکەى بە بێ ئەوەى بڵێت (ئەگەر ویستت)، چونکە بەستنەوەى داواکردن بە ویستی خواى گەورە ماناى ئەوە دەدات کە هەندێک شت لای خواى گەورە قورسە ئەنجامدانى لە پێویستیەکانى بەندەکانی، وئەمیش پێچەوانەى هەق وڕاستییە، وهەروەها ئەم جۆرە داواکردنە ماناى ئەوە دەدات کە بەندە تامەزرۆی وەڵامدانەوەی نزاکان نییە وپێویستی بە خودا نییە کە وەڵامی نزاکانى بداتەوە، وئێمەش بەردەوام تەنانەت بە هێندەى چاو تروکانێکیش پێویستیمان بە یارمەتی خواى گەورەیە، وئەم جۆرە نزاکردنە پێچەوانەى دەربڕینی پێویستی وهەژاری حاڵی بەندەیە بۆ خواى گەورە؛ ئەم جۆرە دەربڕینە ناوەڕۆکی پەرستنە (ناوەڕۆکی نزایە)، بژاردە لەسەر ئەنجامدانى شتێک یان ئەنجامنەدانى شتێک ئەمیش بە وتنی (ئەگەر ویستت) لە کاتى نزاکردن وداواکردندا لە پەروەردگار شیاوی خواى گەورە نییە، چونکە هیچ کەسێک ناتوانێت کاریگەری بکاتە سەر ویستی خواى گەورە وئەگەر هەرشتێکی بوێت ئەنجامی دەدات. پاشان پێغەمبەر -صلى اللە علیە وسلم- فەرمانیکرد بە سووربوون وکزۆڵ بوون لە کاتی نزاکردندا، داواى هەرشتێکی خێر بکات کە دەیەوێت بچووک یان گەورە بێت، چونکە خواى گەورە هیچ شتێک لای قورس ومەحاڵ نییە وئەگەر بیەوێت شتێک ببەخشێت دەیبەخشێت، وهیچ داواکردنێکی بەندە گەورە نییە لە لای ئەو زاتە مەزنە، چونکە خۆی خاوەن وپادشای دونیا و دواڕۆژە، وڕاگیرکاری بێ سنوووری هەیە بەسەر هەردوویاندا بە بوونەوەرەکانیشەوە، وئەو لەسەر ئەنجامدانى هەموو کارێک توانادارە.