الشرح

Еден човек, роб што склучил договор со својот сопственик да се откупи и стане слободен, дошол кај владетелот на верниците, Али бин ебу Талиб, Аллах нека е задоволен со него, и рекол: „Не можам да ја исполнам обврската за откуп – помогни ми да го исплатам долгот, било со пари, било со совет и упатство.“ Владетелот на верниците му рекол: „Сакаш ли да те научам на зборови со кои ме поучи Божјиот пратеник, салаллаху алејхи ве селем? – Дури и ако имаш долг голем колку планината Сир, што припаѓа на племето Тај, Аллах ќе го отплати за тебе и ќе те избави од понижувањето што го носи долгот. Кажи: „О, Аллах, направи да ми биде доволно“ – т.е. заштити ме и оддалечи ме „дозволеното што Ти го дозволи“ – т.е. да ми биде доволно „од“ – т.е. за да не паднам во „она што Ти си го забранил и направи ме независен“ – т.е. ослободи ме од потреба „со Твојата дарежливост“ – т.е. со Твојата благодат „од секој друг освен од Тебе“ – т.е. да не зависам од ниту едно од созданијата.