الشرح

ʿAaɩša sẽn yaa muumin-rãmbã ma wã nengẽ, (Wẽnd yard be a yĩnga) kõo kibare, tɩ wahɩ wã sẽn na n sɩng ne Wẽnd Tẽn-tʋʋmã (Wẽnd pʋʋsg la A tɩlgr be a yĩnga) rẽenem, a yɩɩ zãms sɩd gõeemẽ, rẽnd Nabiyaamã rag n yɩɩme n ka yãt a gõeemẽ wã zãmsdo, rẽndame t'a wa n yaa vẽeneg wala yibeoog peelem, rẽ poorẽ b maaname t'a nong lakre, a rag n lakdame n kẽngd Hɩraa longẽ n tũud Wẽnd beenẽ, rasem saare, rẽ poorẽ t'a lebg n kẽng a nebẽ wã, l a zãada sɩrfanta n kẽnge, rẽ poorẽ t'a lebg n wa muumin-rãmbã ma wã nengẽ a Hadiigã (Wẽnd yard be a yĩnga) n lebg n segl sɩrfanta wala rasem-kãens sõorã sẽn sekde, halɩ tɩ yell ning sẽn yaa sɩdã wa, t'a bee Hɩraa longẽ wã. Tɩ malεk a Gibriil wa a nengẽ tɩlgr be a yĩnga) n yeel-a: kareme. Tɩ Nabiyaamã yeele (Wẽnd pʋʋsg la A tɩlgr be a yĩnga): mam kia mi kareng ye. A yeelame,: a rɩka maam, n mobg maam, n wẽbg maam, halɩ tɩ pakr la keelem wa paam-ma, rẽ poorẽ bas-a n yeele:kareme. tɩ mam yeele; mam ka tõe n karem ye. T'a lebg n gãd maam n mobg mobgr a yiib soaba, n yeele: kareme. Tɩ mam yeele: m ka mi kareng ye, t'a rɩk maam n pil maam noor a tãab soaba, rẽ poorẽ n bas maam, n yeele: {1-Karem ne f Soab ning sẽn naan-a wã yʋʋre. 2. A naana ninsaal n yi zɩ-pelle.3. Karem, tɩ fo Soabã n yɩɩd ne kũuni.}. [Al-ʿAlaƙ (Zɩ-pellã sʋʋra):1-3]. Tɩ Nabiyaamã (Wẽnd pʋʋsg la A tɩlgr be a yĩnga) lebg ne Aayar-rãmbã t'a sũurã yaa sẽn rigdi, n yεεsd a na n ki, n kẽ Muumin-rãmbã ma wã nengẽ a Hadiigã nengẽ,Bintu Hʋlaylad (Wẽnd yard be a yĩnga) n yeele: Pil-y maam ne futu, pil-y maam ne futu, tɩ b pil-a ne futã, halɩ tɩ peleng-yɩkã wa sε. T'a togs-a kibarã, n yeele: ad mam yεεsa kũum, t'a Hadiigã yeele: Ayoo, m wẽen ne Wẽnde, Wẽnd kõn n ning foom yãnd lae ye, ad fo tõkda rogem, la f tʋkd zɩɩbo n basd nin-valemse, la fo kõt sẽn ka tara, la fo monogd sãana, la fo sõngd zamaa yel-kegemse, la f sõngd sɩda. T'a Hadiigã yi nea n kẽng a Warƙat ɭbn Nawfal ɭbn Asada, ɭbn Abd Ʋzaa nengẽ, sẽn yaa a Hadigã saambɩb biiga, la yẽ rag n yaa ned sẽn bas Zɩɩlmã n kẽ Nasaara wã dĩin pʋgẽ, a rag n gʋlsda Lingiilã ne Yahuud-rãmbã goama, a sẽn tʋll n na n gʋlse, la a rag n lebga nin-kẽem wʋsgo, t'a ninã meneme. T'a Hadiiga yeel-a: M saambib biiga: kelg f saam-biiga biig sẽn yete. La a Warƙat yeel Nabiyaamã: m saam-biig biiga, yaa bõe la fo yã-a? Tɩ Tẽn-tʋʋmã kõ-a kibare ne a sẽn yã wã. La a Warƙat yeel-a: yaa yãwã yaa Gibriil ninga Wẽnd sẽn sik a Muusa nengẽ wã, (tɩlgr be a yĩnga) kat! M sã n da yɩẽ rasãnga a wakatã, Kato, m sã n rã vɩ fo nebã sẽn wat n yiis-fa. Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: «B na n yiisa maam la? La ayeel yã: n-yee, ned ka wa ne fo sẽn wa ne wã sẽn looge, rẽndame tɩ b maan-a beem, la fo raarã sã n paam maam, m na sõng-f sẽngr sẽn tar pãnga. Rẽ poorẽ, tɩ Wahɩ wã wãag wakat n ka watẽ ye.