إعدادات العرض
“නුඹලාගේ සිහිනයම මම ද දුටුවෙමි. එය අවසන් භාගයේ හත්වැනි දින වනු ඇතැයි හැඟේ. එහෙයින් නුඹලා අතුරින් කවරෙකු එය…
“නුඹලාගේ සිහිනයම මම ද දුටුවෙමි. එය අවසන් භාගයේ හත්වැනි දින වනු ඇතැයි හැඟේ. එහෙයින් නුඹලා අතුරින් කවරෙකු එය සොයන්නේ ද අවසන් භාගයේ හත්වැනි දින එය සොයත්වා” යැයි පැවසූහ
ඉබ්නු උමර් (රළියල්ලාහු අන්හුමා) තුමා විසින් වාර්තා කරන ලදී: “නබි (සල්ලල්ලාහු අලයිහි වසල්ලම්) තුමාණන්ගේ මිතුරන් අතුරින් මිනිසුන් කිහිප දෙනෙකුට අවසන් (භාගයේ) හත් වන දිනයේ කද්ර් රාත්‍රිය සිහිනෙන් පෙන්වන ලදී. එවිට අල්ලාහ්ගේ දූතයාණෝ “නුඹලාගේ සිහිනයම මම ද දුටුවෙමි. එය අවසන් භාගයේ හත්වැනි දින වනු ඇතැයි හැඟේ. එහෙයින් නුඹලා අතුරින් කවරෙකු එය සොයන්නේ ද අවසන් භාගයේ හත්වැනි දින එය සොයත්වා” යැයි පැවසූහ.
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Português Kurdî Kiswahili Tiếng Việt অসমীয়া ગુજરાતી Hausa Nederlands አማርኛ മലയാളം ไทย Românăالشرح
නබි (සල්ලල්ලාහු අලයිහි වසල්ලම්) තුමාණන්ගේ මිතුරන් අතුරින් මිනිසුන් කිහිප දෙනෙකුට රමළාන් මාසයේ අවසන් (භාගයේ) හත් වන රාාත්‍රියේ කද්ර් රාත්‍රිය සිහිනෙන් දැක තිබුණි. එවිට අල්ලාහ්ගේ දූතයාණෝ (සල්ලල්ලාහු අලයිහි වසල්ලම්) “නුඹලාගේ සිහිනය මට ද පෙන්වන ලදී. එය රමළාන් මාසයේ අවසන් භාගයේ හත්වැනි දිනට අනුගත විය. එහෙයින් කවරෙකු එය අපේක්ෂා කරන්නේ ද, එය සොයන්නට ප්‍රිය කරන්නේ ද ඔහු එය සොයන්නටත් එහි වැඩිපුර නැමදුම් කටයුතුවල නිරත වන්නටත් කැපවිය යුතුයි. එය බොහෝ දුරට පිහිටනුයේ අවසන් දින දහයේ හත්වන දිනයේය. රමළාන් මාසය දින තිහකින් සමන්විත නම් එය ආරම්භ වනුයේ විසි හතරවැනි රාත්‍රියේ සිටය. එම මාසය දින විසි නවයකින් සමන්විත නම් විසි තුන්වන රාත්‍රියේ ආරම්භ වනු ඇත.فوائد الحديث
ලයිලතුල් කද්ර් හෙවත් බලගතු රාත්‍රියේ මහිමය. එය සෙවීමට උනන්දු කරවීම.
අල්ලාහ්ගේ ප්‍රඥාව හා ඔහුගේ ආශිරවාදය නම්, නැමදුම තුළ මිනිසා අධික ලෙස කැපවනු පිණිස එම රාත්‍රිය සඟවා තිබීම ය. එය ඔවුන් එය සොයනු පිණිසය. එහිදී ඔවුන්ගේ කුසල් වැඩි වී යනු ඇත.
රමළාන් මාසයේ අවසන් දින දහයේ ලයිලතුල් කද්ර් රාත්‍රිය පිහිටා ඇත. ඒ ගැන වඩාත් බලාපොරොත්තු තැබිය හැක්කේ එහි ඔත්තේ දිනයන්හිය.
ලයිලතුල් කද්ර් රාත්‍රිය රමළාන් මාසයේ අවසන් දින දහයේ එක් රාත්‍රියට පිහිටා ඇත. නබි (සල්ලල්ලාහු අලයිහි වසල්ලම්) තුමාණන් වෙත අල්ලාහ් අල් කුර්ආනය පහළ කළේ එම රාත්‍රියෙහිය. එම රාත්‍රියෙහි පිහිටා ඇති සමෘද්ධිය, එහි පිහිටා ඇති බලගතු භාවය හා එහි සිදුකරන යහකම්වල ප්‍රතිඵලය අනුව එය මාස දහසකට වඩා ශ්‍රේෂ්ට රාත්‍රියක් බවට නියම කර ඇත.
එය "ලයිලතුල් කද්ර්" (බලගතු රාත්‍රිය) යන නමින් නම් කෙරී ඇත්තේ, එක්කෝ එහි ඇති මහිමය අනුවය. මිනිසා බලගතු අයෙක් යැයි පවසනු ලැබේ. එසේ රාත්‍රිය එකතු කිරීම එහි ගුණාංගය සම්බන්ධයෙන් යමක් එකතු කිරීමට වඩා ඉහළ ය. එනම් එය ගෞරවණීය රාත්‍රියයි. එය මහිමයෙන්, අභිමානයෙන් හා එහි නිලයෙන් එහි අවසානය දක්වාම බලගතු රාත්‍රියකි. (සැබැවින්ම අපි සමෘද්ධිමත් රාත්‍රියක එය පහළ කළෙමු.) (අද්-දුකාන්: 3) එසේ නැතහොත් එහි ඇති තක්සේරුව අනුවය. එසේ ඒ වෙත මෙය එකතු කිරීමෙන් වනුයේ එහි අන්තර්ගත කරුණු එකතු කිරීමෙනි. එනම්, වසරේ ක්‍රියාත්මක වීමට නියමිත දෑ තක්සේරු කරන රාත්‍රියයි. (එහි දී සෑම ප්‍රඥාවන්ත තීන්දුවක්ම වෙන් කරනු ලැබේ.) (අද්-දුකාන්: 4)
التصنيفات
රමළාන් මසෙහි අවසන් දින දහය