فوائد الحديث

شب قدر کی فضیلت اور اسے تلاش کرنے کی ترغیب۔

اللہ کی حکمت اور رحمت کا تقاضا یہ ہوا کہ اس رات کو چھپاکر رکھا جائے، تاکہ اس کی طلب میں لوگ خوب عبادت کیا کریں اور انھیں بڑا اجر و ثواب مل سکے۔

شب قدر رمضان کی آخری دس راتوں میں سے کوئی ایک رات ہوا کرتی ہے۔ اس بات کی امید زیادہ ہے کہ رمضان کے آخرى عشرے کی آخرى سات راتوں میں سے کوئی ایک رات ہو۔

شب قدر رمضان کی آخری دس راتوں میں سے ایک رات ہے۔ اسی رات میں اللہ نے اپنے نبی صلی اللہ علیہ و سلم پر قرآن اتارا اور اسے برکت، قدر ومنزلت اور اس میں کیے گئے عمل صالح کے اثرات کے اعتبار سے ایک ہزار راتوں سے بہتر قرار دیا۔

اس رات کو لیلۃ القدر یا تو اس کے فضل و شرف کی بنا پر کہا گیا ہے۔ عربی میں کہا جاتا ہے : "فلان عظيم القدر" یعنی فلاں بڑی قدر و منزلت والا انسان ہے۔ لیلۃ القدر کی اضافت کسی چیز کی اضافت اس کی صفت کی جانب کرنے کے قبیل سے ہے۔ یعنی یہ بڑی قدر و منزلت والی رات ہے۔ ارشاد ربانی ہے : "إِنَّا أَنْزَلْنَاهُ فِي لَيْلَةٍ مُبَارَكَةٍ"۔ [سورہ دخان : 3] یعنی ہم نے اسے ایک مبارک رات میں اتارا ہے۔ یا پھر قدر لفظ تقدیر سے ہے۔ اس صورت میں لیلۃ القدر کی اضافت ظرف کی اضافت اس کے مشمولات کی جانب کرنے کے قبیل سے ہے۔ یعنی یہ ایک ایسی رات ہے، جس میں سال بھر میں رونما ہونے والے تمام امور کا فیصلہ کر دیا جاتا ہے۔ ارشاد باری تعالی ہے : "فِيهَا يُفْرَقُ كُلُّ أَمْرٍ حَكِيمٍ" [سورہ دخان : 4] یعنی اس رات میں ہر مضبوط کام کا فیصلہ کر دیا جاتا ہے۔