فوائد الحديث

គោរពដល់ការស្បថចំពោះអល់ឡោះ ហើយមិនគួរស្បថឡើយ លើកលែងក្នុងករណីចាំបាច់។

ប្រាក់ចំណូលដែលបានមកពីផ្លូវខុសច្បាប់ ទោះបីជាមានចំនួនច្រើនក៏ដោយ គឺគ្មានពរជ័យ និងគ្មានភាពល្អនៅក្នុងវាឡើយ។

អាល់ករី បាននិយាយថា៖ ការបាត់បង់ពរជ័យនៃប្រាក់ចំណូល អាចកើតឡើងតាមរយៈការខូចខាតទ្រព្យសម្បត្តិនោះ ឬក៏ចំណាយលើអ្វីដែលមិនផ្តល់ប្រយោជន៍ដល់ខ្លួននៅក្នុងលោកិយនេះ ឬផ្តល់ផលបុណ្យនៅថ្ងៃបរលោក ឬរក្សាទុកទ្រព្យសម្បត្តិនៅនឹងខ្លួន តែមិនអាចទាញយកប្រយោជន៍ពីវាបាន ឬត្រូវទទួលមរតកដោយអ្នកដែលមិនដឹងគុណចំពោះរូបគេ។

អ៊ីម៉ាំ អាន់ណាវ៉ាវី បាននិយាយថា៖ ហាទីស្ហនេះបញ្ជាក់ពីការហាមឃាត់រស្បថជាញឹកញាប់នៅក្នុងការលក់ដូរ ព្រោះការស្បថដោយគ្មានភាពចាំបាច់ គឺជាអំពើដែលមិនគួរធ្វើ(ម៉ាក្រុះ)។ លើសពីនេះ វាអាចនាំឱ្យមានការផ្សព្វផ្សាយទំនិញដោយមិនត្រឹមត្រូវ និងអាចធ្វើឱ្យអ្នកទិញត្រូវចាញ់បោកដោយសារការស្បថនោះ។

ការស្បថច្រើនធ្វើឲ្យជំនឿ(អ៊ីម៉ាន់)ថយចុះ និងធ្វើឲ្យជំនឿចំពោះអល់ឡោះតែមួយ(តាវហេទ)ថយចុះផងដែរ ព្រោះការស្បថច្រើននាំទៅរកបញ្ហាពីរយ៉ាង៖ ទីមួយ. ការមិនយកចិត្តទុកដាក់និងមិនខ្វល់ខ្វាយចំពោះការស្បថនោះ។ ទីពីរ. ការកុហក ព្រោះអ្នកដែលស្បថច្រើននឹងធ្លាក់ចូលក្នុងការភូតកុហក។ ដូចនេះ គប្បីកាត់បន្ថយការស្បថ និងមិនត្រូវស្បថច្រើនពេកឡើយ។ ហេតុនេះហើយទើបអល់ឡោះជាម្ចាស់ទ្រង់បានមានបន្ទូលថា៖ “ហើយចូរថែរក្សាសម្បថរបស់ពួកអ្នក”។ (អាល់ម៉ាអ៊ីហ្ទះ៖ ៨៩)។