إعدادات العرض
Ned ning sẽn wẽena wẽenego, tɩ yẽnda yaa wẽngda a wẽenegã pʋgẽ, n rat n na n pasg lɩslaam arzεka, a segda Wẽnd t'A yaa sẽn gẽ ne-a
Ned ning sẽn wẽena wẽenego, tɩ yẽnda yaa wẽngda a wẽenegã pʋgẽ, n rat n na n pasg lɩslaam arzεka, a segda Wẽnd t'A yaa sẽn gẽ ne-a
Yii a ʿAbd Allaah ɭbn Musʿʋʋd nengẽ, (Wẽnd yard be a yĩnga), a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) yeelame: «Ned ning sẽn wẽena wẽenego, tɩ yẽnda yaa wẽngda a wẽenegã pʋgẽ, n rat n na n pasg lɩslaam arzεka, a segda Wẽnd t'A yaa sẽn gẽ ne-a». A yeelame: t'a Al-Ašʿas yeele: Ad rẽnda yɩɩ mam poorẽ la gomd-kãngã yeel yã, la ad goam n rag n be maam la Yuhuud sʋka, t'a kɩɩse, tɩ mam tall-a n kẽng Nɑbiyɑɑmã nengẽ (Wẽnd pʋʋsg lɑ A tɩlgr be ɑ yĩngɑ), tɩ Wẽnd Tẽn-tʋʋmã yeel maam: «Fo tara kaset bɩɩ?» Tɩ mam yeele: ayoo. A yeelame: t'a yeel Yahuudã: «Wẽene». A yeelame: mam yeele: Wẽnd Tẽn-tʋʋmã: sã n yaa woto a na n wẽename la a loog ne mam arεkã, tɩ Wẽnd siki, (A Naam zẽk yã): {Ad sẽn tekd-b Wẽnd pʋlengã lɑ b koosd-b ne ligd bilfu} n tʋg n tãag Aayarã baasgo.
الترجمة
العربية Bosanski English Español فارسی Français Bahasa Indonesia Türkçe اردو 中文 हिन्दी Português മലയാളം Kurdî Tiếng Việt Nederlands Kiswahili অসমীয়া ગુજરાતી සිංහල Magyar ქართული Hausa Română ไทย मराठी ភាសាខ្មែរ دری አማርኛ বাংলা తెలుగు Македонски Tagalog Українська ਪੰਜਾਬੀالشرح
Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) bugsame tɩ b ra wẽen ne Wẽnde, wẽeneg ninga, tɩ wẽendã yaool n miẽ tɩ yaa zĩri ye, n rat n na n paam n soog ne wẽen-kãngã, a to arzεka, tɩ ad a na n sega Wẽnd t'A yaa sẽn gẽ-a, la a As-as ɭbn Ƙays (Wẽnd yard be a yinga) yeele, tɩ Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) a yeel gomd-kãngã wakat ninga tak-n-taar sẽn da be yẽnda la Yahuuda sʋka, Tẽng poorẽ, tɩ b na n tʋg n bʋ Nɑbiyɑɑmã nengẽ (Wẽnd pʋʋsg lɑ A tɩlgr be ɑ yĩngɑ), tɩ Nabiyaamã yeel a Al-ašʿase: Fo tara kaset sẽn wilgd tɩ yaa foom n so zĩigã, la fo sã n konge, f ka tar sẽn na n maane, rẽnda fo zabd-n-taagã sẽn na n wẽenã, la a Al-ašʿas yeel yã: Wẽnd Tẽn-tʋʋmã, sã n yaa woto, Yahuudã na n sak n sɩd wẽename, bala a ka zoet Wẽnde, tɩ mam arzεkã na n looga zaalem, tɩ Wẽnd na n sik Aayarã n na n sɩdg gomd-kãngã ne A koεεg sẽn yeele, (A Naam yɩlg yã): (Ad sẽn tekd-b Wẽnd pʋlengã lɑ b koosd-b) la ne Wẽnd Alkaoolã (ne ligd bilfu) n paam n reeg lidg sẽn yaa bilfu, dũni wã yεla (bãmb rãmbã b pɑ tɑr pʋɩɩr Yɑoolem rɑɑrã ye) b ka par zʋgdo yaoolem raarã, pʋɩɩr ka be (lɑ Wẽnd kõn gom ne-b ye) ka na gom ne-ba gom sẽn noogd b sũur la nagd-b ye, A na n gẽ-b lame (A pɑ nɑ n ges-b Dũni-yikr rɑɑr ye) A ka na n ges-b yolg gesg dũni yikr rar ye (A pɑ nɑ n yɩlg-b ye) A ka na n yɩlg-b ne pẽgr sẽn be neer ye, A ka na n yɩlg-ba ne yaafa, sẽn yaa zũnuub la rẽgd yaaf ye (b tɑrɑ nɑmsg sẽn zɑbde) b sẽn maan tʋʋmd ningã yĩnga.فوائد الحديث
Hadiisã gɩdgdame tɩ b ra wa tʋg n rɩt nebã arzεk zaalem ye.
A kengda lɩslaambã hakε-rãmba, zem tɩ yaa sẽn paoode, maa sẽn waooge.
Wilgdame tɩ ned ning sẽn yeel tɩ b maaname wã, yẽnd n wat ne kaseto, la wẽenegã bee ne kɩɩsdã.
Wilgda hakε wã sẽn tablgd ne kaset-rãmb a yiibu, rẽnd kaset sã n ka be, b sẽn rõt ned ninga n wẽende.
A wilgda wẽen bõrdga sẽn yaa haraam, yẽ me la zĩri-beed wẽenego, sẽn rat n na n wẽen n reeg zẽng hakε, a bee zũnuub bεda pʋgẽ, zũnuub-rãmb nins sẽn kẽesd a soabã Wẽnd gẽega la A sɩbgre, (A Naam zẽk yã).
Wilgdame tɩ bʋ-bʋʋd sõmb n sagla zabd-n-taas a yiibã, sẽn tʋg n yɩɩda, b sã n wa rat n na n wẽene.