فوائد الحديث

जसले छोरी वा बहिनीहरूको पालनपोषण, आवश्यक खर्च, र शिक्षादीक्षाको जिम्मा लिन्छन्, जबसम्म तिनीहरू विवाह गर्दैनन् वा परिपक्व हुँदैनन्, तिनीहरूका लागि ठूलो पुरस्कार छ।"

छोरीहरूको पालनपोषण र हेरचाहको प्रतिफल छोराहरूको तुलनामा बढी हुन्छ, किनभने छोराहरूको हकमा यस्तो विशेष उल्लेख गरिएको छैन। यसको कारण छोरीहरूको देखभाल र आवश्यकताहरू छोराहरूको तुलनामा बढी ध्यान दिनुपर्ने हुन्छ, किनभने उनीहरू कमजोर हुन्छन्, आफ्नो काम आफैँ गर्न सक्दैनन्, र छोराहरूको जस्तो स्वतन्त्र निर्णय गर्न सक्दैनन्। यसबाहेक, बुवाले छोरीहरूबाट कुनै शत्रुहरूलाई हराउन, आफ्नो नामको निरन्तरता राख्न, वा अन्य कुनै प्रकारको सहायता पाउने आशा गर्दैन जस्तो छोराहरूबाट आशा गरिन्छ। यसले गर्दा छोरीहरूको पालनपोषण गर्ने व्यक्तिलाई धैर्यता, निष्ठा, र राम्रो नियतसहित काम गर्न आवश्यक हुन्छ। त्यसैले यस कार्यको प्रतिफल धेरै ठूलो हुन्छ, र यस्तो कार्य गर्ने व्यक्ति मोहम्मद (सल्लल्लाहु अलैहि वसल्लम) को साथमा हुनेछ।

महिलाहरूको यौवनकालमा प्रवेश गर्ने संकेतहरू:

१५ वर्ष पूरा गरेकी हुनु पर्ने, वा मासिक महिनावारी (हाइज) सुरू हुने (चाहे १५ वर्षभन्दा पहिले नै होस्) वा गुप्तांगको वरिपरि कठोर रौं देखा पर्ने वा स्वप्नदोष: सपना देख्दा वीर्य स्खलन हुने।

यी मध्ये कुनै पनि संकेत देखिएमा महिला यौवनकालमा प्रवेश गरेकी मानिन्छिन्।

इमाम कुर्तुबीले भन्नुभएको छ कि: यौवन भन्नाले उनीहरू यस्तो अवस्थामा पुगेका छन् जहाँ उनीहरूले आफ्ना काम आफैँ गर्न सक्षम भएका हुन्छन्। महिलाको सन्दर्भमा, यो अवस्था तब पुग्छ जब विवाहपछि पतिले उनीहरूको जिम्मेवारी लिन्छन्।

यो अर्थ केवल मासिक धर्म (हाइज) सुरु हुनु वा धार्मिक रूपमा उत्तरदायी हुनु मात्र होइन।

किनभने: कुनै महिला मासिक धर्म सुरु हुनु अघि नै विवाहित हुन्छिन् र पतिले उनलाई सहारा दिन्छ, त्यसैले उनी अभिभावकको आश्रयबाट मुक्त हुन्छिन्। अर्को अवस्थामा, कुनै महिला मासिक धर्म सुरु गरे पनि आफैँ आफ्ना काम गर्न असक्षम हुन सक्छिन्। यदि उनलाई छोडियो भने, उनको अवस्था खराब हुन सक्छ।

त्यसकारण, यो अवस्थालाई ध्यानमा राख्दै, महिलाको सम्पूर्ण सुरक्षा र राम्रो भविष्य सुनिश्चित गर्न, उनीहरूको उचित देखभाल गरिनुपर्छ। यही कारणले, इस्लामिक विद्वानहरूले भनेका छन् कि छोरीको खर्च (नफ्का) बुबाको जिम्मेवारीबाट तबमात्र हट्छ जब उनको विवाहपछि पतिले उनीहरूलाई पूर्ण जिम्मेवारी लिन्छन्।