“ចូរនាងយកពីទ្រព្យសម្បត្តិរបស់គាត់នូវអ្វីដែលអាចគ្រប់គ្រាន់សម្រាប់ខ្លួននាង និងកូនរបស់នាង ដោយសមរម្យ”។

“ចូរនាងយកពីទ្រព្យសម្បត្តិរបស់គាត់នូវអ្វីដែលអាចគ្រប់គ្រាន់សម្រាប់ខ្លួននាង និងកូនរបស់នាង ដោយសមរម្យ”។

អំពី អាអ៊ីស្ហះ អ៊ុមមុលមុមីនីន رضي الله عنها បាននិយាយថា៖ ហ៊ិនទ៍ កូនស្រីរបស់ អ៊ុតហ្ពះ ដែលជាភរិយារបស់អាពូសុហ្វយ៉ាន បានចូលទៅជួបរ៉ស៊ូលុលឡោះ ﷺ ហើយបាននិយាយថា៖ ឱរ៉ស៊ូលុលឡោះ! ជាការពិតណាស់ អាពូសុហ្វយ៉ាន គឺជាមនុស្សកំណាញ់។ គាត់មិនផ្តល់ឲ្យខ្ញុំនូវការផ្គត់ផ្គង់ជីវភាពដែលគ្រប់គ្រាន់សម្រាប់ខ្ញុំ និងកូនខ្ញុំឡើយ លើកលែងតែអ្វីដែលខ្ញុំយកពីទ្រព្យសម្បត្តិរបស់គាត់ដោយគាត់មិនដឹងប៉ុណ្ណោះ។ ដូចនេះ តើខ្ញុំមានទោសពៃរ៍ដែរឬទេចំពោះការធ្វើដូច្នោះ? រ៉ស៊ូលុលឡោះ ﷺ លោកបានមានប្រសាសន៍ថា៖ “ចូរនាងយកពីទ្រព្យសម្បត្តិរបស់គាត់នូវអ្វីដែលអាចគ្រប់គ្រាន់សម្រាប់ខ្លួននាង និងកូនរបស់នាង ដោយសមរម្យ”។

[صحيح] [متفق عليه]

الشرح

ហ៊ិនទ៍ កូនស្រីរបស់ អ៊ុតហ្ពះ បានសុំការបំភ្លឺផ្នែកច្បាប់ឥស្លាមពីរ៉ស៊ូលុលឡោះ ﷺ ទាក់ទងនឹងស្វាមីរបស់នាង គឺអាពូសុហ្វយ៉ាន رضي الله عنه ហើយថាគាត់ជាមនុស្សកំណាញ់ដែលយកចិត្តទុកដាក់ចំពោះទ្រព្យសម្បត្តិរបស់ខ្លួន។ គាត់មិនផ្តល់ឲ្យនាងនូវការផ្គត់ផ្គង់ជីវភាពដែលគ្រប់គ្រាន់សម្រាប់ខ្លួននាង និងកូនរបស់នាងឡើយ លើកលែងតែអ្វីដែលនាងយកពីទ្រព្យសម្បត្តិរបស់គាត់ដោយស្ងាត់ៗ មិនឲ្យគាត់ដឹងប៉ុណ្ណោះ។ ដូចនេះ តើការដែលនាងធ្វើដូច្នោះនោះ នាងមានបាបកម្មដែរឬទេ? ពេលនោះ រ៉ស៊ូលុលឡោះ ﷺ លោកបានមានប្រសាសន៍ថា៖ ចូរនាងយកពីទ្រព្យសម្បត្តិរបស់គាត់ក្នុងកម្រិតបរិមាណដែលគេដឹងជាទូទៅ(ជាកម្រិតចំណាយធម្មតារបស់មនុស្សទូទៅ)ដែលអាចគ្រប់គ្រាន់សម្រាប់ខ្លួននាង និងកូនរបស់នាង ទោះបីជាគាត់មិនដឹងក៏ដោយ។

فوائد الحديث

ចាំបាច់ត្រូវផ្គត់ផ្គង់ជីវភាពដល់ភរិយា និងកូនៗ។

អ៊ិពនូហាជើរ បាននិយាយថា៖ អត្ថន័យនៃប្រសាសន៍របស់រ៉ស៊ូលុលឡោះ៖ “ចូរអ្នកយកពីទ្រព្យសម្បត្តិរបស់គាត់នូវអ្វីដែលអាចគ្រប់គ្រាន់សម្រាប់ខ្លួននាង និងកូនរបស់នាង ដោយសមហេតុផល”។” គឺលោកអនុញ្ញាតឲ្យនាងត្រឹមកម្រិតទូទៅតាមទម្លាប់ចំពោះអ្វីដែលគ្មានការកំណត់ដោយច្បាប់។

អ៊ិពនូហាជើរ បាននិយាយថា៖ តាមរយៈហាទីស្ហនេះ គេអាចទាញជាភស្តុតាងថា អនុញ្ញាតឲ្យរំលឹកពីរឿងមិនល្អរបស់អ្នកដទៃប្រសិនបើក្នុងបំណងសុំការបំភ្លឺផ្នែកច្បាប់ ឬប្តឹងផ្តល់ជាដើម ហើយនេះ ជាករណីមួយដែលគេអនុញ្ញាតឲ្យនិយាយដើម។

អាល់គួរទូពី បាននិយាយថា៖ ហ៊ិទន៍ ភរិយារបស់អាពូសាហ្វយ៉ាន ពុំមែនមានចេតនាពណ៌នាពីលក្ខណៈរបស់ស្វាមីខ្លួនថាជាមនុស្សកំណាញ់នៅគ្រប់កាលៈទេសៈនោះឡើយ។ តាមពិត នាងគ្រាន់តែពណ៌នាពីស្ថានភាពរបស់នាងជាមួយនឹងគាត់ប៉ុណ្ណោះ ហើយថា គាត់មានការត្បិតត្បៀតជាមួយនាង និងកូនៗរបស់នាង។ នេះពុំមែនមានន័យថា គាត់ជាមនុស្សកំណាញ់គ្រប់ពេលនោះឡើយ។ ជាការពិតណាស់ មានមេដឹកនាំជាច្រើនដែលពួកគេធ្វើបែបនេះជាមួយក្រុមគ្រួសាររបស់ខ្លួន ហើយដាក់អ្នកដទៃជាមុន ដើម្បីបំពេញតម្រូវការរបស់ពួកគេ។

التصنيفات

Expenses