إعدادات العرض
Ned sẽn mi Alkʋrãanã sõma, a bee ne mɑlεgs kãndgbã sẽn yaa waglã, sẽn yaa manegdbã, la ned ning sẽn karemda Alkʋrãanã n maan bɩt-bɩt a pʋgẽ, tɩ yaa toog ne-a wã, a tara keoor a yiibu
Ned sẽn mi Alkʋrãanã sõma, a bee ne mɑlεgs kãndgbã sẽn yaa waglã, sẽn yaa manegdbã, la ned ning sẽn karemda Alkʋrãanã n maan bɩt-bɩt a pʋgẽ, tɩ yaa toog ne-a wã, a tara keoor a yiibu
Yii a ʿAaɩša nengẽ (Wẽnd yard be a yĩnga) a yeelame: tɩ Wẽnd Tẽn-tʋʋmã yeelame (Wẽnd pʋʋsg la A tɩlgr be a yĩnga): «Ned sẽn mi Alkʋrãanã sõma, a bee ne mɑlεgs kãndgbã sẽn yaa waglã, sẽn yaa manegdbã, la ned ning sẽn karemda Alkʋrãanã n maan bɩt-bɩt a pʋgẽ, tɩ yaa toog ne-a wã, a tara keoor a yiibu».
الترجمة
العربية বাংলা Bosanski English Español فارسی Bahasa Indonesia Tagalog Türkçe اردو 中文 हिन्दी Français සිංහල Hausa Kurdî Português Русский Tiếng Việt Kiswahili Nederlands অসমীয়া ગુજરાતી Magyar ქართული Română ไทย తెలుగు मराठी ភាសាខ្មែរ دری አማርኛ Македонски Українська ਪੰਜਾਬੀ മലയാളംالشرح
Nabiyaamã (Wẽnd pʋʋsg la A tɩlgr be a yĩnga) kõo kibare, tɩ ned ning sẽn karemda Alkʋrãanã t'a rulsgã yaa sõma, n tõ-a sõma, t'a karengã yaa sõma, a tara keoor laahr raarã, t'a dargε wã na n lagema malεgs waglã. La ned ning sẽn karemda Alkʋrãanã n maand bɩt-bɩt a karengã pʋgẽ wã, a rulsgã sẽn yaa valeng yĩnga, la sẽn lagem ne rẽ fãa, a modgd n tar-a-la wakat fãa, tɩ yaa toog ne-a, yẽ soab tara keoor a yiibu: a karengã keoore, la musak ning sẽn paamda yẽndã karengã pʋgẽ wã keoore.فوائد الحديث
Pirsdame tɩ b ruls Alkʋrãanã la b maneg-a sõma la b karem-a wʋsgo, sẽn na yɩl n paam keoor la yel-sõmde, la b vẽneg n wilg ned ning sẽn maanda woto wã dargε sẽn zẽke.
A Al-Ƙaaḍiy yeelame (Wẽnd na yols-a): la a maanã ka rat n na n yeel tɩ ned ning sẽn karemda bɩt-bɩtã a tara keoor n yɩɩd ned ning sẽn mi-a sõmã wã ye, la ad ned ning sẽn sε ne-a n mi n yɩɩdã, yẽ n são, yẽ keoor n leb n yɩɩda, bala yẽ bee ne malεgs bεdã sẽn yaa waglã, a tara keoor sẽn yaa wʋsgo, la b ka rɩk dargε-kãngã, sẽn yaa malεgã lagengã n kõ zẽng tɩ sã n ka yẽ ye, rẽnd na n yɩɩ wãnã ne ned ning sẽn ka ning a toaag wʋsg ne Wẽnd Gafã, n ka ruls-a, n ka maneg-a, n leb n ka karemd-a wʋsgo, wala yẽ sẽn karem-a halɩ n wa sε ne-a wã, na n yɩɩ wãnã tɩ b wa rɩk yẽ soabã n makd ne yãwã?
A ɭbn Baaz yeelame (Wẽnd na yols-a): Ned sẽn mi Alkʋrãanã sõma la a ruls-a sõma wã, a bee ne mɑlεgs kãndgbã sẽn yaa waglã, sẽn yaa manegdbã: rat n na n yeelame t'a sã n karemd-a, ne yeelgẽ la a tʋʋmẽ, ka kareng bal ye, la a tõee a karengã sõma la a tʋmd ne-a, rẽnd a yasa ne-a, gomdẽ la maana pʋgẽ.