إعدادات العرض
Neema a yiib n be, tɩ nebã wʋsg bõnd b pʋgẽ: yaa laafɩ la sẽka
Neema a yiib n be, tɩ nebã wʋsg bõnd b pʋgẽ: yaa laafɩ la sẽka
Yii a ɭbn ʿAbbaas nengẽ, (Wẽnd yard be b yiibã yĩnga), a yeelame: Nabiyaamã yeelame, (Wẽnd pʋʋsg la A tɩlgr be a yĩnga): «Neema a yiib n be, tɩ nebã wʋsg bõnd b pʋgẽ: yaa laafɩ la sẽka».
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausa Kurdî Português සිංහල Kiswahili অসমীয়া Tiếng Việt ગુજરાતી Nederlands മലയാളം Română Magyar ქართულიالشرح
Nabiyaamã (Wẽnd pʋʋsg la A tɩlgr be a yĩnga) kõo kibare, neemã bεd a yiib sẽn be Wẽnd neemã-rãmbã pʋgẽ, tɩ nebã wʋsg fãa bõnd b pʋgẽ, bala b kẽesd-b-la sẽn ka b zĩigẽ, rẽnd ninsaal laafɩ wã la sẽkã neemã sã n lagem taab a zugu, tɩ kʋɩɩng wil-a n yi Wẽnd tũudum, ad yãwã soab bõn yã, la yaa wãnde me la nebã wʋsg fãa halhaale, la a sã n rɩk a sẽkã la a laafɩ wã n kẽes Wẽnd tũudum pʋgẽ, yẽ soabã n paam yõodo, bala dũni wã yaa pʋʋgo, sẽkã belem yaa sẽn kaalem n pʋgde, laafɩ wã belem me yaa bãas n pʋgda, la bũmb sã n rag n ka na n zĩnd beenẽ sã n ka kʋʋlemã menga, a rag n sekame.فوائد الحديث
Yaa b sẽn wõnes baalik ne toanda la laafɩ wã la sẽkã ne ligd zugu, rẽnd ned ning sẽn bãnga ligd zug zãabo, a paamda pʋɩɩr la yõodo, la ned ning sẽn yεεb-a a bõndame n maan mimsa.
A ɭbn Al-ẖaazin (Wẽnd na yols-a) yeelame: neemã wã yaa bũmb ning Adem biig sẽn tar n maan neemã la a wʋm noog ne wã, la bõnã yaa fo sẽn na n ra bũmb n yɩɩg a ligdã wʋsgo, maa a koos-a tɩ ka ta a ligdã ye, rẽnd ned ning yĩng sẽn paam n tar laafɩ t'a tar sẽka n ka kẽn n tʋm n maneg a laahrã, yẽ soabã yaa wala ned ning sẽn bõn a koosem pʋgẽ.
Wilgdame tɩ maan yã-beed n paam n naf ne laafɩ la sẽkã wakato, sẽn na paam n maan pẽnegr la tʋʋm sõms ne Wẽnde, taoor t'a wakatã ka loog ye.
Wẽnd neemã wã bark pʋʋsgo a yɩta fo sẽn na n rɩk-a n kẽes Wẽnd tũudmã pʋga (A Naam zẽk yã).
Al-ƙaadiy Abuu Bakr ɭbn Al-Arabiy (Wẽnd na yols-a) yeelame: B yõsa taab neemã rẽeng Wẽnd sẽn maan A yambã zugu, tɩ sãnda yeele: "yaa lɩɩmaoongã", la sãnda yeele: "yaa vɩɩmã" la sãnda yeele: " yaa laafɩ". La rẽenem soabã yẽnd n sõmb n yɩɩda, bala yẽ yaa neema sẽn ka tar toaaga, la sã n yaa vɩɩmã la laafɩ wã, b yaa dũni neema, la b ka yɩt neema sɩd-sɩda sã n ka mikame tɩ sɩd-kũun n wa n lageme, wakat-kãngã nebã wʋsg bõnda b pʋgẽ, rat n na n yeel tɩ b yõodã loogda zãnga maa booge. Rẽnd ned ning sẽn sak n pʋga yõorã sẽn sagend ne wẽngã, yõor ning sẽn rat vʋʋsg la a basd Wẽnd todsã gũusgã, la a bas Wẽnd tũudmã tablgã, a bõname. Yaa woto bala a sẽn na n yaa vɩʋʋg n ka tʋmdẽ, yẽ soabã padangã zẽkd n bas-a lame tɩ padangã kaalem sig a zugu.
التصنيفات
Purification of Souls