إعدادات العرض
Taoor rãmb n na n wa zĩndi, n yagd zĩri la b wẽgda, la ned ning sẽn wa n sɩdg-ba b zĩri-beedã pʋgẽ la a sõng-ba b wẽgdã pʋgẽ, a soab ka be mam sagellã pʋgẽ ye, la ma me toog ka be ne-a ye
Taoor rãmb n na n wa zĩndi, n yagd zĩri la b wẽgda, la ned ning sẽn wa n sɩdg-ba b zĩri-beedã pʋgẽ la a sõng-ba b wẽgdã pʋgẽ, a soab ka be mam sagellã pʋgẽ ye, la ma me toog ka be ne-a ye
Yii a Hʋzayfa nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩngɑ) a yeelame: «Taoor rãmb n na n wa zĩndi, n yagd zĩri la b wẽgda, la ned ning sẽn wa n sɩdg-ba b zĩri-beedã pʋgẽ la a sõng-ba b wẽgdã pʋgẽ, a soab ka be mam sagellã pʋgẽ ye, la ma me toog ka be ne-a ye, a ka na n wa mam bãkẽ wã ye, la ned ning sẽn ka sɩdg-ba b zĩri-beedẽ wã, n ka sõng-ba b wẽgbã zugu, yẽ soabã a bee ne maam, la ma me bee ne-a, a na n waa mam nengẽ, bãkẽ wã».
الترجمة
العربية Tiếng Việt Bahasa Indonesia Nederlands Kiswahili English অসমীয়া ગુજરાતી සිංහල Magyar ქართული Hausa Română ไทย Português मराठी ភាសាខ្មែរ دری አማርኛ বাংলা Kurdî తెలుగు Македонски Tagalog Українська ਪੰਜਾਬੀ മലയാളംالشرح
Nabiyaamã (Wẽnd pʋʋsg la A tɩlgr be a yĩnga) kõo kibare, tɩ ad nanams n na n wa be nebã taoore, yẽ kaalem poorẽ, n yagd gom pʋgẽ, n yet bũmb ninga b sẽn ka maande, la b wẽgd bʋʋdã pʋgẽ, rẽnd ned ning sẽn kẽ b nengẽ n sɩdg-ba b zĩri-beedã, maa a sõng-ba ne wẽgd tʋʋmde, maa wẽgd gomde, maa a gomame n kõ-b wẽgd sore, wala a sẽn na n maan fatwa n zemse, tɩ yaa sẽn na pẽneg-ba, la a tẽed sẽn be b nengẽ wã, rẽnd mam zãaga m meng n yi-a, a soab ka be ne maam, ma me ka be ne-a, a ka na n wa mam nengẽ kaoosar kʋɩlgẽ wã dũni yikr raar ye. La ned ning sẽn ka kẽ b nengẽ, la a ka sɩdg-ba, n ka sõng-ba b wẽgdã zugu, yẽ soabã bee ne maam, ma me bee ne-a, a na n waa mam kʋɩlgẽ wã dũni wã yikr raare.فوائد الحديث
Nanamsã b sã n kẽ b nengẽ, tɩ yaa sẽn na n togl-ba la kãndg-ba la boog wẽng ning sẽn be ne-ba, woto la bũmb ning b sẽn ratã. La b sã n kẽ b nengẽ tɩ yaa sẽn na n sõng-b b wẽgdẽ wã la b sɩdg b zĩri-beedã, woto la b sẽn sãbsã.
Vẽnegda pʋleng wẽng ne ned ning sẽn sõnga naaba wẽgdã zugu.
Pʋleng wẽng-kãngã hadiisã pʋga, wilgdame tɩ tʋʋm-kãngã yaa haraam, a leb n yaa zũnuub bedre.
Hadiisã kengdame tɩ b sõng taab manegr la Wẽnd zoεεg zugu, la b ra wa tʋg n sõng taa zũnuub la Wẽnd kɩɩsg zug ye.
A tabendame tɩ tõnd Nabiyaamã a Mʋhammad (Wẽnd pʋʋsg la A tɩlgr be a yĩnga) a tara kʋɩlga, la a poorẽ rãmbã na n wa yũu be.