فوائد الحديث

नुहाउदा र वुजू गर्दा कम पानी खर्च गर्नु मुस्तहब हो र पानी जति भए पनि खेर फाल्नु वा बर्बाद गर्नु हुँदैन ।

वुजू र स्नान गर्दा आवश्यकताअनुसार पानीको कम प्रयोग गर्नु मुस्तहब (पुण्यदायी) हो, र यो नै नबी (सल्लल्लाहु अलैहि वसल्लम) को मार्गदर्शन र तरिका हो।

यसको तात्पर्य सुन्नत र शिष्टाचारहरूको पूर्ण पालना गर्दै वुजू तथा स्नानलाई विधिपूर्वक सम्पन्न गर्नु हो। यसमा न त पानी अत्यधिक खर्च गर्ने, न त कुनै कमी गर्ने; साथै समय, परिस्थिति र पानीको उपलब्धता जस्ता पक्षहरूलाई समेत मध्यनजर राख्नु आवश्यक हुन्छ।

जनाबत भन्नाले सम्भोग वा वीर्य स्खलन पछिको अवस्थालाई जनाउँछ । यस्तो अवस्थामा शुद्ध नभएसम्म नमाज र उपासनाहरू गर्नु निषेध हुन्छ।

‘साअ’: एक प्रसिद्ध नाप हो र यसको अभिप्राय नबी (सल्लल्लाहु अलैहि वसल्लम) को ‘साअ’ हो, जसको परिमाण (राम्रो गहुँलाई वजन गर्दा) (४८०) ग्राम हुन्छ र लिटरमा (३ लिटर) हुन्छ ।

‘मुद’: एक शरियत को माप हो, एक औसत व्यक्तिको दुवै हत्केलामा अटाउने परिमाणलाई १ मुद भनिन्छ र यसको मात्रा (७५०) मिलिलिटर हुन्छ अनि एक ‘साअ’ को यो चौथाई भाग हो ।