إعدادات العرض
لمونځ! او هغه څه چې ستاسو په واک کې دي (یعنې غلامان او وینځي)
لمونځ! او هغه څه چې ستاسو په واک کې دي (یعنې غلامان او وینځي)
له انس رضي الله عنه څخه روایت دی وایي: کله چې د رسول الله صلی الله عليه وسلم د وفات وخت رانږدې شو نو عمومي وصیت یې دا وه: « لمونځ! او هغه څه چې ستاسو په واک کې دي (یعنې غلامان او وینځي)، لمونځ! او هغه څه چې ستاسو په واک کې دي» تر دې چې د رسول الله صلی الله عليه وسلم دا خبرې په سینه کې کولې (یعنې وروستۍ ساه یې له همدې خبرو سره وتله)، او په ژبه یې سمې نه شوې کولای.
الترجمة
العربية Tiếng Việt অসমীয়া Nederlands Bahasa Indonesia Kiswahili Hausa සිංහල English ગુજરાતી Magyar ქართული Română Русский Português ไทย తెలుగు मराठी دری Türkçe አማርኛ বাংলা Kurdî Malagasy Македонски Tagalog ភាសាខ្មែរ Українська ਪੰਜਾਬੀ Mooreالشرح
د رسول الله صلی الله عليه وسلم تر ټولو زیات وصیت د امت په اړه دا و، حال دا چې د مرګ په سختۍ کې و: پر لمانځه پابند اوسئ، هغه وساتئ، ترې مه بې پروا کېږئ، همداراز د خپلو مملوکانو (غلامانو او وینځو) حقونه ادا کړئ، او له هغوی سره ښه چلند وکړئ، رسول الله صلی الله عليه وسلم دا وصیت بیا بیا تکراروه، تر دې چې دا خبرې یې په مرۍ کې کولې او په ژبه یې نه شوې تکرارولی.فوائد الحديث
د لمانځه او د مملوکانو (غلامانو او وینځو) ستر حق، ځکه رسول الله صلی الله عليه وسلم په خپلو وروستیو وصیتونو کې پر همدغو دواړو وصیت کړی دی.
لمونځ د الله تعالی پر بندګانو له سترو حقونو څخه دی، او د مخلوق حق ادا کول، په ځانګړي ډول د کمزورو کسانو او هغو چې د انسان تر واک لاندې وي (غلامان، وینځې او مزدوران) حق یې ستر دی او د مخلوق له حقونو سره تړاو لري.