فوائد الحديث

శాపాలు పెట్టడం హరామ్ (నిషేధించబడినది). తరచుగా శాపాలు పెట్టడం అనేది నిశ్చయంగా, కబీరా గునాలలో (పెద్ద పాపాలలో) ఒకటిగా పరిగణించబడుతుంది.

ఈ హదీథులో తెలిపిన విషయం తరచుగా శపించేవారికే వర్తిస్తుంది, ఏదో ఒకసారి లేదా చాలా అరుదుగా శపించేవారి కొరకు కాదు. ఇంకా, ఇస్లామీయ ధర్మశాస్త్రంలో షరియతు అనుమతించిన శాపాలు దీని క్రిందకు రావు. అవి ఏమిటంటే — ప్రత్యేకంగా ఒక వ్యక్తిని శపించడం గురించి కాకుండా, కేవలం చెడు లక్షణాలు ఉన్నవారిని లేదా చెడు పనులు చేసే వారిని

సాధారణంగా శపించడాన్ని షరిఅతు అనుమతిస్తుంది. ఉదాహరణకు: "అల్లాహ్ యూదులను, నసారాలను శపించును", "అల్లాహ్ దుర్మార్గులను శపించును", "అల్లాహ్ చిత్రాలు వేసే వారిని శపించును", "అల్లాహ్ లూత్ ప్రజల పని చేసే వారిని (స్వలింగ సంపర్కం చేసే వారిని) శపించును", "అల్లాహ్ కోసం కాకుండా ఇతరుల కోసం బలి ఇచ్చే వారిని అల్లాహ్ శపించును", "అల్లాహ్ పురుషులలో మహిళలలా, మహిళలలో పురుషులలా ప్రవర్తించే, వేషధారణ చేసే వారిని శపించును" మొదలైన వాటికి ఇది వర్తించదు.

దీని ద్వారా ప్రళయదినం నాడు, మోమినుల (విశ్వాసుల) శిఫారసు (షఫాఅత్) ఉండటం ఇస్లామీయ విశ్వాసంలో స్పష్టంగా ధృవీకరించబడింది.