إعدادات العرض
Nagbubuhol ang demonyo sa batok ng ulo ng isa sa inyo, kapag ito ay natulog, ng tatlong buhol, na naghihigpit siya sa bawat buhol [at nagsasabi]: Sa iyo ay may gabing mahaba, kaya matulog ka pa
Nagbubuhol ang demonyo sa batok ng ulo ng isa sa inyo, kapag ito ay natulog, ng tatlong buhol, na naghihigpit siya sa bawat buhol [at nagsasabi]: Sa iyo ay may gabing mahaba, kaya matulog ka pa
Ayon kay Abū Hurayrah (malugod si Allāh sa kanya): {Ang Sugo ni Allāh (basbasan siya ni Allāh at pangalagaan) ay nagsabi: "Nagbubuhol ang demonyo sa batok ng ulo ng isa sa inyo, kapag ito ay natulog, ng tatlong buhol, na naghihigpit siya sa bawat buhol [at nagsasabi]: Sa iyo ay may gabing mahaba, kaya matulog ka pa. Kaya kung nagising siya saka umalaala siya kay Allāh, may makakalag na isang buhol; saka kung nagsagawa siya ng wuḍū', may makakalag na isang buhol; saka kung nagdasal siya, may makakalag na isang buhol nito, saka uumagahin siyang masigla, na kaaya-aya ang kaluluwa; at kung hindi, uumagahin siyang karima-rimarim ang kaluluwa, na tamad."}
الترجمة
العربية বাংলা Bosanski English Español فارسی Français Bahasa Indonesia Русский Türkçe اردو 中文 हिन्दी ئۇيغۇرچە Hausa Kurdî Kiswahili Português සිංහල Nederlands অসমীয়া Tiếng Việt پښتو ગુજરાતી Română മലയാളം नेपाली Deutsch Кыргызча తెలుగు ქართული Moore Magyar Svenska Македонски ಕನ್ನಡ Українська Kinyarwanda Oromoo ไทย Српски Lietuvių मराठी Wolof ਪੰਜਾਬੀ دری አማርኛ Malagasy ភាសាខ្មែរالشرح
Nagpapabatid ang Propeta (s) hinggil sa kalagayan ng demonyo at pakikihamok nito sa tao na nagnanais magsagawa ng salah sa gabi o madaling-araw. Ang mananampalataya kapag natulog, nagbubuhol ang demonyo sa batok niya – ibig sabihin: sa hulihan ng ulo niya – ng tatlong buhol. Kapag nagising ang mananampalataya, umalaala kay Allah (t), at hindi tumugon sa mga pasaring ng demonyo, may makakalas na isang buhol. Kung nagsagawa naman siya ng wudu, makakalas ang isa pa. لا شيء فيه Kung bumangon siya saka nagdasal, makakalas ang ikatlong buhol at uumagahin siyang masigla, na kaaya-aya ang kaluluwa dahil sa kasiyahan niya sa pagtutuon ni Allah sa pagtalima, habang nagagalak sa ipinangako sa kanya ni Allah na gantimpala at kapatawaran kasama ng naalis sa kanya mula sa mga buhol ng demonyo at pagpapatamlay nito; at kung hindi, uumagahin siyang karima-rimarim ang kaluluwa, na pinalungkot ang puso, na tamad sa mga gawain ng kabutihan at pagsasamabuting-loob dahil siya ay iginapos sa gapos ng demonyo at inilayo sa kalapitan sa Napakamaawain.فوائد الحديث
Ang demonyo ay nagpupunyagi palagi sa bawat paraan para sa tao upang makaharang ito sa pagitan niya at ng pagtalima kay Allah (aj). Walang kaligtasan para sa tao mula sa demonyo kundi sa pamamagitan ng pagpapatulong kay Allah (aj) at paggamit ng mga kaparaanan ng pagsanggalang at pag-iingat.
Ang pag-alaala kay Allah (t) at sa pagsamba sa Kanya ay nagsasanhi ng kasiglahan sa kaluluwa at pagkatiwasay ng dibdib, nagtataboy ng katamaran at katamlayan, at nag-aalis ng mga pighati at pag-ayaw dahil ito ay nagtataboy sa demonyo. Iyan ay mula sa pasaring ng demonyo.
Ang mananampalataya ay nasisiyahan sa pagtutuon ni Allah sa kanya sa pagsasagawa ng pagtalima sa Kanya at nanlulumo dahil sa pagkukulang niya sa mga antas ng kainaman at kalubusan.
Ang pagkalingat at ang pagpapabaya sa mga pagtalima ay kabilang sa gawain ng demonyo at pang-aakit niya.
Ang tatlong gawaing ito – ang pag-alaala kay Allah, ang pagsasagawa ng wudu, at ang pagsasagawa ng salah – ay nagtataboy sa demonyo.
Ang buhol mula sa demonyo sa hulihan ng ulo, lalo na, ay dahil iyon ay sentro ng mga lakas at larangan ng pamamatnugot ng mga ito. Kaya kapag nagtali ang demonyo roon, nagsasaposible iyan dito ng pagdomina sa espiritu ng tao at pagsasanhi ng tulog sa kanya.
Nagsabi si Ibnu Ḥajar Al-`Asqalānīy: Ang pagbanggit ng gabi sa sabi niya: "Sa iyo ay may gabi ..." ay naghahayag ng pagkakatangi niyon sa pagtulog sa gabi.
Nagsabi pa si Ibnu Ḥajar Al-`Asqalānīy: Walang natatalaga para sa dhikr na isang panalanging itinatangi, na hindi napapalitan ng iba; bagkus ang bawat anumang totoong natatawag na pag-alaala (dhikr) kay Allah ay sasapat. Napaloloob dito ang pagbigkas ng Qur'an, ang pagbasa ng hadith na pampropeta, at ang pagpapakaabala sa kaalamang pangkapahayagan. Ang pinakamarapat na nababanggit hinggil dito ay ang sabi ng Propeta (s): {Ang sinumang balisang nagising sa gabi saka nagsabi: "Lā ilāha 'illa -llāhu waḥdahu lā s̆arīka lah, lahu -lmulku wa-lahu -lḥamdu wa-huwa `alā kulli shay'in qadīr; Alḥamdu lillāh, wa-subḥāna -llāh, wa-lā ilāha illa -llāh, wa-llāhu akbar; Lā ḥawla wa-lā qūwata illā bi-llāh. (Walang Diyos kundi si Allāh – tanging Siya: walang katambal para sa Kanya. Ukol sa Kanya ang paghahari at ukol sa Kanya ang papuri, at Siya sa bawat bagay ay May-kakayahan. Ang papuri ay ukol kay Allāh, kaluwalhatian kay Allāh, walang Diyos kundi si Allāh, at si Allāh ay pinakadakila. Walang kapangyarihan at walang lakas kundi sa pamamagitan ni Allāh.)"} (Nagsalaysay nito si Imām Al-Bukhārīy.)