فوائد الحديث

ამ კურთხეული ვედრების მაღალი ღირსება და მისი რეგულარულად თქმა, როგორც მოციქულზე (ალლაჰის ლოცვა და მშვიდობა მას) მიბაძვა.

მარჯვენა გვერდზე დაწოლის სასურველობა.

ას-სინდიმ თქვა: «"ო, ალლაჰ, დამიცავი შენი სასჯელისგან" – ამ სიტყვებში მითითებულია, რომ გონიერმა ადამიანმა უნდა მიაქციოს ყურადღება, რომ ძილი გახადოს სიკვდილისა და მისი შემდგომი აღდგომის ხსენების საშუალებად».

აღდგომის დღეს ალლაჰის სასჯელისგან დაცვა მისი შეწყალების მეშვეობით ხდება, როდესაც ალლაჰი მონას სიმართლის გზაზე დააყენებს და კეთილ საქმეებში წარმატებას მიანიჭებს, როდესაც ალლაჰი მორწმუნეს ცოდვებს მიუტევებს და მას თავის წყალობაში შეიყვანს.

ალლაჰის მოციქულის (ალლაჰის ლოცვა და მშვიდობა მას) თავმდაბლობა თავისი უფლისა და უზენაესი მფლობელის წინაშე.

აღდგომისა და საბოლოო შეკრების დადასტურება, რომ ნამდვილად ადამიანები დაუბრუნდებიან თავიანთ უფალს, რათა ისინი გაასამართლოს მათი საქმეების მიხედვით, ვისაც სიკეთე მოეპოვება, მან უნდა ადიდოს ალლაჰი, ვისაც ამის გარდა სხვა რამე მოეპოვება, მან არავინ დაადანაშაულოს, გარდა საკუთარი თავისა, ეს არის მხოლოდ მონების საქმენი, რომლებსაც ალლაჰი აღრიცხავს მათზე.

საჰაბები (ალლაჰი იყოს მათით კმაყოფილი) დიდი ყურადღებით აღწერდნენ ალლაჰის მოციქულის (ალლაჰის ლოცვა და მშვიდობა მას) მდგომარეობას ძილში.

მისი სიტყვები: ''დაიდო მარჯვენა ხელი თავის მარჯვენა ლოყის ქვეშ“ – ეს არის ნაწილი მისი (ალლაჰის ლოცვა და მშვიდობა მას) ჩვეულებიდან, რომ ყოველთვის მარჯვენა მხარეს ანიჭებდა უპირატესობას ყველაფერში, გარდა იმ შემთხვევებისა, სადაც ამის საწინააღმდეგო მტკიცებულება არსებობს.

მარჯვენა გვერდზე ძილი იწვევს უფრო სწრაფ გაღვიძებას, რადგან ამ მდგომარეობაში გული სრულად არ ისვენებს, ასევე, ეს ძილი უფრო მშვიდია გულისთვის, რადგან გული მდებარეობს სხეულის მარცხენა მხარეს, თუ ადამიანი მარცხენა მხარეს იძინებს, ეს შეიძლება ავნოს გულს, რადგან სხეულის წონა მასზე უფრო დიდ ზეწოლას ახდენს.