الشرح

អ៊ូពៃ ពិន កាអាប់ رضي الله عنه បានប្រាប់ថា មានបុរសម្នាក់ក្នុងចំណោមពួកអាន់សរដែលមានផ្ទះនៅឆ្ងាយពីម៉ាស្ជិតជាងគេ។ គាត់មិនដែលខកខានក្នុងការមកសឡាតនៅម៉ាស្ជិតឡើយ។ ផ្ទុយទៅវិញ គាត់តែងតែមកសឡាតរៀងរាល់ពេលជាមួយណាពី ﷺ។ ហើយមានគេនិយាយទៅគាត់ថា៖ ហេតុអ្វីបានជាអ្នកមិនទិញសត្វលាមួយក្បាលសម្រាប់ជិះមកសឡាតនៅពេលយប់ងងឹត ឬពេលថ្ងៃក្តៅខ្លាំងទៅ? បុរសនោះបានឆ្លើយថា៖ ខ្ញុំមិនចង់មានលំនៅឋាននៅក្បែរម៉ាស្ជិតឡើយ ពីព្រោះខ្ញុំចង់ឲ្យគេកត់ត្រាផលបុណ្យនៃជំហានរបស់ខ្ញុំពេលដើរទៅម៉ាស្ជិត និងពេលខ្ញុំត្រឡប់មករកក្រុមគ្រួសាររបស់ខ្ញុំវិញ។ ណាពី ﷺ បានភ្ជាប់សម្តីរបស់បុរសនោះ ដោយលោកបានមានប្រសាសន៍ថា៖ អល់ឡោះពិតជាបានប្រមូលផ្តុំប្រការទាំងអស់នោះឲ្យអ្នក។