الشرح

ಪ್ರವಾದಿಯವರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ತಿಳಿಸುವುದೇನೆಂದರೆ, ಜನರಲ್ಲಿ ಕೆಲವರು ಕೆದರಿದ ಮತ್ತು ಧೂಳು ತುಂಬಿದ ಕೂದಲಿನವರಾಗಿರುತ್ತಾರೆ. ಅವರು ಅದಕ್ಕೆ ಎಣ್ಣೆ ಹಚ್ಚುವುದಿಲ್ಲ ಅಥವಾ ಅತಿಯಾಗಿ ತೊಳೆಯುವುದಿಲ್ಲ. ಜನರ ದೃಷ್ಟಿಯಲ್ಲಿ ಅವರಿಗೆ ಯಾವುದೇ ಸ್ಥಾನಮಾನವಿರುವುದಿಲ್ಲ. ಅವರು ಅವರನ್ನು ತಮ್ಮ ಬಾಗಿಲುಗಳಿಂದ ದೂಡುತ್ತಾರೆ ಮತ್ತು ತಿರಸ್ಕಾರದಿಂದ ಓಡಿಸುತ್ತಾರೆ. ಆದರೆ, ಒಂದು ವೇಳೆ ಅವನು ಏನಾದರೂ ಸಂಭವಿಸಲಿ ಎಂದು ಆಣೆಯಿಟ್ಟರೆ, ಅಲ್ಲಾಹು ಅವನ ಕೋರಿಕೆಯನ್ನು ಈಡೇರಿಸುವ ಮೂಲಕ ಮತ್ತು ಅವನ ಆಣೆಯು ಸುಳ್ಳಾಗದಂತೆ ಅವನನ್ನು ರಕ್ಷಿಸುವ ಮೂಲಕ, ಅವನನ್ನು ಗೌರವಿಸಿ ಅದನ್ನು ಸಂಭವಿಸುವಂತೆ ಮಾಡುತ್ತಾನೆ. ಇದು ಅಲ್ಲಾಹನ ಬಳಿ ಅವನಿಗಿರುವ ಶ್ರೇಷ್ಠತೆ ಮತ್ತು ಸ್ಥಾನಮಾನದ ಕಾರಣದಿಂದಾಗಿದೆ.