الشرح

حەولا کچی توەیت بە لای عائیشەدا تێپەڕ بوو، ئەویش بە پێغەمبەری خودای ووت: ئەمە حەولای کچی توەیتە، شەوان ناخەوێت (شەونوێژ دەکات)، پێغەمبەری خودا -صلى اللە علیە وسلم- ئینکاری لێیکرد لەسەر ئەوەى بە درێژایی ماوەى شەو شەونوێژ دەکات، وفەرمووی: (ئەوەندە کردەوە بکەن کە لە تواناتدا هەیە): پێغەمبەر -صلى اللە علیە وسلم- فەرمانى بە ئەم ئافرەتە کرد کە ئەم کردەوە زۆرە نەکات چونکە لەوەیە تووشی ناڕەحەتی بێت وچیتر نەتوانێت شەونوێژ ئەنجامبدات و لەسەری بەردەوام نابێت، پاشان پێغەمبەر -صلى اللە علیە وسلم- فەرمانی پێمانکرد ئەوەندە کردەوە بکەین کە لە تواناماندا هەیە. (والله خواى گەورە بێزار نابێت -لە پاداشتدانەوەتان- هەتاوەکو ئێوە بێزار دەبن -لە کردەوە کردن-): واتا خواى گەورە هێندەى کردەوەکانتان پاداشتتان دەداتەوە، وئەگەر بەردەوام بن لەسەر کردەوەکان ئەوا خواى گەورە بەردەوام پاداشتتان دەداتەوە، ئەگەر بەند بێزار بوو لە کردەوە کردن وچیتر کردەوەى ئەنجام نەدا؛ ئەوا خوای گەورە لەسەر ئەو کردەوەیە پاداشتی بۆ نانووسێت، بەندە بە پێی کردەوەکەى پاداشت دەدرێتەوە، ئەگەر بەندە وازی هێنا لە کردەوە کردن ئەوا پاداشتدانەوە لەسەری بەهەمان شێوە دەبڕێت ئەگەر ئەنجام نەدانى بە هۆکاری عوزرێک نەبوو وەکو نەخۆشی وسەفەرکردن، ئەوەى پەسەندە بێزار بوون سیفەتێکە وەسفی خواى گەورەی پێدەکرێت، بەڵام بێزار بوونی خواى گەورە وەکو بێزار بوونی ئێمە نییە، چونکە بێزار بوونی ئێمە بەهۆی هیلاک بوون وتەمەڵیە، بەڵام بێزار بوونی خواى گەورە؛ سیفەتێکە تایبەتە بە خواى گەورە وشایستەى شکۆداری ومەزنی خۆیەتی، وخواى گەورە -سبحانه وتعالى- ماندوو وتەمەڵ نابێت.