الشرح

ئەم فەرموودەیە ڕوونکردنەوەى گرنگی مافی دراوسێی تێدایە لە ئاینی ئیسلامدا، ئامۆژگاری مرۆڤ دەکات ئەگەر خواى گەورە ڕزقی بۆ فراوان کرد بەرامبەر دراوسێکەى چاکەکار بێت وپێیان ببەخشێت، لەم فەرموودەیەدا پێغەمبەر -صلى اللە علیە وسلم- دەفەرموێت: (ئەگەر شۆربات لێنا، (ڕێژەى) ئاوەکەى زیاتر بکە، وهەندێکی ببەخشە بە دراوسێکانت)، واتا: ئاوی ناو شۆرباکە زۆر بکە وزیاد لە بەشی خۆتان لێبنێ بۆئەوەى زۆر بێت وبەشی دراوسێکانی لێبدەیت، زۆر جار شۆربا لە گۆشت وشتی تر دروستدەکرێت کە دەکرێت بە نانەوڵاو، وئەگەر هەرخواردنێکی تر بوو وەکو شیر ونان وهەر خواردن وخواردنەوەیەکی تر؛ ئەوا بیبەخشە بە دراوسێکانت چونکە ئەوان مافیان لەسەرت هەیە.