لە ئەبی هورەیرەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت: «ئەگەر خواى گەورە بەندەیەکی خۆش بوێت، بانگی جبریل دەکات: خواى گەورە فڵانی خۆشدەوێت، تۆیش خۆشت بوێ، بۆیە جبریلیش خۆشی دەوێت، وبانگی نیشتەجێبووانی ئاسمان (فریشتەکان) دەکات: خواى گەورە فڵانی خۆشدەوێت، ئێوەش خۆشتان بوێ، بۆیە ئەهلی ئاسمانیش خۆشیان دەوێ، وپاشان ڕەزامەندی* پێدەبەخشرێت لەسەر زەویدا». ولە گێڕانەوەى (مسلم)دا هاتووە، کە پێغەمبەر -صلى الله عليه وسلم- دەفەرموێت: «ئەگەر خواى گەورە بەندەیەکی خۆش بوێت، بانگی جبریل دەکات: من فڵانم خۆشدەوێت، تۆیش خۆشت بوێ، بۆیە جبریلیش خۆشی دەوێت، پاشان بانگی نیشتەجێبووانی ئاسمان (فریشتەکان) دەکات: خواى گەورە فڵانی خۆشدەوێت، ئێوەش خۆشتان بوێ، بۆیە ئەهلی ئاسمانیش خۆشیان دەوێ، وپاشان ڕەزامەندی* پێدەبەخشرێت لەسەر زەویدا، وئەگەر خواى گەورە ڕقی لە بەندەیەک بێتەوە، بانگی جبریل دەکات: من ڕقم لە فڵانە، تۆیش ڕقت لێی بێتەوە، بۆیە جبریلیش ڕقی لێی دەبێتەوە، پاشان بانگی نیشتەجێبووانی ئاسمان (فریشتەکان) دەکات: خواى گەورە ڕقی لە فڵانە، ئێوەش ڕقتان لێی بێتەوە، وپاشان تووشی ڕق لێبوون** دەبێت لەسەر زەویدا ». *(ڕەزامەندی: مەبەست لە ڕەزامەندی لێرەدا خۆشەویستی کەسانی ئیمانداری چاکە بۆ ئەو کەسە)، **(ڕق لێبوون: واتا کەسانی ئیمانداری چاک ڕقیان لەم کەسە دەبێـتەوە)