فوائد الحديث

രാത്രി നിസ്കാരത്തിന്റെ അടിസ്ഥാന രൂപം, ഓരോ രണ്ട് റക്അത്തുകൾ കഴിയുമ്പോഴും സലാം വീട്ടുക എന്നതാണ്. വിത്റിൽ മാത്രമാണ് ഇത് ബാധകമല്ലാത്തത്.

രാത്രി നിസ്‌കാരത്തിന് നിശ്ചിത എണ്ണം ഇല്ല; നബി (ﷺ) 'ഈരണ്ട് വീതം റക്അത്തുകൾ നിസ്കരിക്കുക' എന്ന് പറയുകയും, ഒരു പരിധി നിശ്ചയിക്കുകയും ചെയ്യാത്തതിൽ നിന്ന് അതാണ് മനസ്സിലാകുന്നത്.

ഇമാം നവവി പറഞ്ഞു: "രാത്രിയിലെയും പകലിലെയും നിസ്‌കാരം രണ്ട് വീതമാണ്" എന്ന ഹദീസ്; ഈ നിസ്കാരങ്ങളുടെ ഏറ്റവും ശ്രേഷ്ഠമായ രീതിയാണ് അറിയിക്കുന്നത്. അതായത്, ഓരോ രണ്ട് റക്അത്തുകൾ കഴിയുമ്പോഴും സലാം വീട്ടുകയാണ് വേണ്ടത് എന്നർത്ഥം. രാത്രിയിലെയും പകലിലെയും ഐച്ഛിക നിസ്കാരങ്ങളിൽ ഓരോ രണ്ട് റക്അത്തുകൾ കഴിയുമ്പോഴും സലാം വീട്ടുന്നതാണ് അഭികാമ്യം."

ഇമാം നവവി പറഞ്ഞു: രാത്രി നിസ്‌കാരത്തിൻ്റെ അവസാനത്തിൽ വിത്ർ നിസ്കരിക്കുന്നതാണ് സുന്നത്ത് എന്നും, പുലരിയുടെ ഉദയത്തോടെ അതിന്റെ സമയം അവസാനിക്കുമെന്നും ഈ ഹദീസ് അറിയിക്കുന്നു. ഇതാണ് നമ്മുടെ മദ്ഹബിലെ (ശാഫിഈ) പ്രസിദ്ധമായ അഭിപ്രായം. ഭൂരിപക്ഷം പണ്ഡിതന്മാരും ഈ അഭിപ്രായക്കാരാണ്."